كولىكتى قايتا تىركەۋدى رەسىمدەي وتىرىپ, كليەنت سول جەردە ساقتاندىرۋ ءپوليسىن ساتىپ الا الادى. ەندى باسقا قىزمەت كورسەتۋ تەرەزەلەرىنە كەزەككە تۇرۋدىڭ نەمەسە «دەلدالداردان» ساقتاندىرۋ ءپوليسىن رەسىمدەۋدىڭ قاجەتى جوق.
جاڭا قىزمەت تۋرالى ورتالىق كوممۋنيكاتسيالار قىزمەتىنىڭ بريفينگىندە «ازاماتتارعا ارنالعان ۇكىمەت» كورپوراتسياسى باسقارما توراعاسىنىڭ ءبىرىنشى ورىنباسارى سۇيەنىش ءابدىلدين بايانداپ بەردى.
«مامانداندىرىلعان حقو وپەراتورلارىمەن كولىك يەلەرىن ساقتاندىرۋ قىزمەتى ادەتتە مامانداندىرىلعان حقو-لاردا كليەنتتەرگە ءوز مۇددەسى ءۇشىن قىزمەتتەرىن ۇسىناتىن «كومەكشىلەرگە» كليەنتتەردىڭ شاعىمدارىمەن بايلانىستى مىندەتتەردى شەشۋگە كومەكتەسەدى. ەگەر پيلوتتىق جوبا ءساتتى ىسكە اسىرىلاتىن بولسا, ءبىز ەلىمىزدىڭ باسقا مامانداندىرىلعان حقو-لارىندا دا ساقتاندىرۋ قىزمەتىن ەنگىزەمىز», دەدى مەملەكەتتىك كورپوراتسيا توراعاسىنىڭ ءبىرىنشى ورىنباسارى سۇيەنىش ءابدىلدين.
كليەنتتەرگە كولىكتى قايتا تىركەگەننەن كەيىن اقپاراتتىق جۇيەلەرى ءبىر-بىرىمەن ىقپالداستىرىلعان ساقتاندىرۋ ۇيىمىن تاڭداۋ ۇسىنىلادى. اعىمداعى كەزەڭدە «ەۆرازيا» ساقتاندىرۋ كومپانياسىمەن كەلىسىم جۇزەگە اسىرىلعان. پيلوتتىق جوبا ىسكە قوسىلعان ساتتەن باستاپ 300-دەن استام ازاماتتىق-قۇقىقتىق جاۋاپكەرشىلىك شارتى جاسالدى.
«ەگەمەن-اقپارات»
