چەللەندجدى 30-دان استام ادام قولدادى. ولاردىڭ ىشىندە «الرامي» كلۋب ءۇيى مەن «ARCUS» دامۋ ورتالىعىنىڭ مۇشەلەرى, «قازاقستان ءاليۋمينيى» اق جانە «جاسىل ەل» جاستار جاساقتارىنىڭ ەرىكتىلەرى, بەلسەندىلەر, مەنتالدى اۋىتقۋلارى بار ادامدار جانە نەمقۇرايدى ەمەس ازاماتتار بار. قاتىسۋشىلار ەرتىس وزەنىنىڭ جاعالاۋىن تازالاپ, 40 قاپ قوقىس جينادى.
«العاش رەت مۇنداي سەنبىلىكتى ءبىز 2019 جىلى وتكىزدىك. سودان بەرى بۇل ءبىز ءۇشىن جاقسى داستۇرگە اينالدى. ءبىز مىندەتتى تۇردە چەللەندجىمىزدى جالعاستىرامىز جانە الداعى ۋاقىتتا الەۋمەتتىك جەلىلەردە سەنبىلىكتەر تۋرالى حابارلايتىن بولامىز. بارلىق نيەت ءبىلدىرۋشى بىزبەن بىرگە قاتىسا الادى. تابيعاتتى باعالايىق جانە بۇلدىرمەيىك! ويتكەنى بۇل – ءبىزدىڭ دەنساۋلىعىمىز بەن بولاشاق ۇرپاقتىڭ دەنساۋلىعى», دەدى «ARCUS» دامۋ ورتالىعىنىڭ جەتەكشىسى الينا باتارەەۆا.
ۇيىمداستىرۋشىلاردىڭ ايتۋىنشا, بۇل اكتسيا حالىقتىڭ ەكولوگيالىق مادەنيەتىن قالىپتاستىرۋمەن قاتار, پسيحونەۆرولوگيالىق اۋرۋلارى بار ادامداردىڭ الەۋمەتتەنۋىنە ىقپال ەتەدى.
ايتا كەتۋ كەرەك, بيىلعى 24 شىلدەدە ءار وڭىردە جارتاستار مەن سۋ ايدىندارىن تازارتۋ بويىنشا اۋقىمدى ەكواكتسيا وتەدى جانە ولارعا كەز كەلگەن ادام قوسىلا الادى.
مارافونعا #قايىرىمدىىستەرمارافونى #مارافوندوبرىحدەل رەسمي حەشتەگتەرىمەن الەۋمەتتىك جەلىلەردە ءوز يگى ىستەرىن بولىسە وتىرىپ, كەز كەلگەن ادام قوسىلا الادى.
بارلىق ۇيىمداستىرۋ ماسەلەلەرى بويىنشا ۇيلەستىرۋشىلەرگە كورسەتىلگەن تەلەفون نومىرلەرى بويىنشا حابارلاسۋعا +7 701 513 55 00, +7 7172 79 15 32, نەمەسە Instagram-داعى @qaiyrymdy_ister_marafony اككاۋنتى ارقىلى بايلانىسقا شىعۋعا بولادى.
«ەگەمەن-اقپارات»
