كۇن تارتىبىندە قارالعان نەگىزگى ماسەلەلەر ۇكىمەتتىڭ كەڭەيتىلگەن ماجىلىسىندە كوروناۆيرۋس ينفەكتسياسىنا قارسى كۇرەس بويىنشا شەشىمدەر قابىلداۋ ءۇشىن پرەزيدەنت قاسىم-جومارت توقاەۆ قويعان تاپسىرمالارعا قاتىستى بولدى. ۆيتسە-پرەمەر مەملەكەت باسشىسىنىڭ تاپسىرمالارىن ورىنداۋ اياسىندا مەملەكەتتىك ورگاندارعا قىسقا مەرزىم ىشىندە كەلەسى مىندەتتەردى جۇزەگە اسىرۋدى جۇكتەدى: كوروناۆيرۋسقا قارسى ءىس-قيمىل شارالارىن تۇبەگەيلى قايتا قاراۋ ستراتەگياسىن ازىرلەۋ; بيىلعى 19 شىلدەگە دەيىن شاعىن جانە ورتا بيزنەس قىزمەتكەرلەرىنە ۆاكتسينالاۋ جۇرگىزۋدىڭ ناقتى مەرزىمدەرىن قايتا قاراۋ جانە بەلگىلەۋ; «Pfizer» كومپانياسىمەن كەلىسىمگە قول قويۋ جونىندەگى جۇمىستى ۇيىمداستىرۋ جانە ۆاكتسينانى جەتكىزۋ تۋرالى كەلىسىمشارت جاساسۋدى قامتاماسىز ەتۋ; بيىلعى 19 شىلدەگە دەيىن مىندەتتى ۆاكتسينالاۋعا جاتاتىن قوعامنىڭ قىزمەت ەتۋ سالالارىن انىقتاۋ; پتر-تەستىلەۋدىڭ بىرىڭعاي بازاسىنا ۇقساس ۆاكتسينالاۋدىڭ تسيفرلى كارتاسىن ىسكە قوسۋ ماسەلەسىن پىسىقتاۋ; بيىلعى 19 شىلدەگە دەيىن Ashyq سياقتى تسيفرلى شەشىمدەردى بەلسەندى پايدالانۋ باسىمدىعىمەن ءموبيلدى مونيتورينگتىك توپتاردىڭ جۇمىسىن قايتا فورماتتاۋ بويىنشا ۇسىنىستار ەنگىزۋ; ەپيدەميولوگيالىق جاعدايعا قاراماستان, مەديتسينا قىزمەتكەرلەرىن قولداۋ جانە ىنتالاندىرۋدىڭ قولدانىستا بولاتىن قاعيدالارىن ازىرلەۋ جانە بەكىتۋ; جاڭا وقۋ جىلىندا وقۋشىلار مەن ستۋدەنتتەردى وقىتۋدىڭ ءداستۇرلى نىسانىن قايتا باستاۋ كەزىندە پەداگوگتەر مەن وقۋشىلار دەنساۋلىعىنىڭ قاۋىپسىزدىگىن قامتاماسىز ەتۋ بويىنشا ۇسىنىستار ازىرلەۋ.
ەلدەگى ەپيدەميولوگيالىق جاعدايدىڭ ناشارلاۋىنا بايلانىستى ۆەدومستۆوارالىق كوميسسيا «قىزىل ايماقتاعى» وڭىرلەردە كارانتيندىك شەكتەۋلەردى كۇشەيتۋ بويىنشا شارالار قابىلداپ, مىنا قىزمەتتەردىڭ جۇمىسىن توقتاتتى: Ashyq جوباسىنا قاتىساتىن وبەكتىلەردى قوسپاعاندا, قالاارالىق, وبلىسىشىلىك, قالالىق تۇراقتى جانە تۇراقتى ەمەس (تۋريستىك) اۆتوبۋس جانە شاعىن اۆتوبۋس تاسىمالدارى; جابىق جاعاجايلار مەن اكۆاپاركتەردىڭ قىزمەتى. دەمالىس جانە مەرەكە كۇندەرى جۇمىسىنا تىيىم سالىنسىن: قوعامدىق كولىكتىڭ; Ashyq جوباسىنا قاتىسۋشىلارىن قوسپاعاندا, قوعامدىق تاماقتانۋ وبەكتىلەرىنىڭ; Ashyq جوباسىنا قاتىساتىندارىن قوسپاعاندا, فيتنەس ورتالىقتاردىڭ, فيتنەس كلۋبتاردىڭ, يوگا ورتالىقتارىنىڭ, سپورتتىق-ساۋىقتىرۋ وبەكتىلەرىنىڭ, ساۋنالاردىڭ, سپا-ورتالىقتاردىڭ, باسسەيندەردىڭ; Ashyq جوباسىنا قاتىساتىندارىن قوسپاعاندا, كينوتەاترلاردىڭ, تەاترلاردىڭ, كونتسەرت زالدارىنىڭ, فيلارمونيالاردىڭ, كومپيۋتەرلىك كلۋبتاردىڭ, بوۋلينگتەردىڭ, بيلياردتاردىڭ, كاراوكەلەردىڭ, كورمەلەردىڭ; Ashyq جوباسىنا قاتىسۋشىلاردى, اشىق بازارلاردى, جارمەڭكەلەردى قوسپاعاندا, اۋدانى 2000 م2 دەيىنگى ازىق-ت ۇلىك ەمەس تاۋارلاردى وتكىزۋ وبەكتىلەرىنىڭ; Ashyq جوباسىنا قاتىساتىندارىن قوسپاعاندا, سپورت وبەكتىلەرىنىڭ (سپورت كەشەندەرى, سپورت مەكتەپتەرى, سپورت كلۋبتارى, جاتتىعۋ زالدارى); ءبىلىم بەرۋ ورتالىقتارىنىڭ, بالالار مەن ەرەسەكتەرگە ارنالعان ۇيىرمەلەردىڭ, بالالاردى دامىتۋ ورتالىقتارىنىڭ; Ashyq جوباسىنا قاتىساتىندارىن قوسپاعاندا, فۋدكورتتاردىڭ. جۇمىس كۇندەرى جۇمىسى شەكتەلسىن: ساعات 20.00-گە دەيىن Ashyq جوباسىنا قاتىساتىن فيتنەس-ورتالىقتاردىڭ, فيتنەس-كلۋبتاردىڭ, يوگا-ورتالىقتاردىڭ, سپورتتىق-ساۋىقتىرۋ وبەكتىلەرىنىڭ, ساۋنالاردىڭ, سپا-ورتالىقتاردىڭ, سپورت وبەكتىلەرىنىڭ, باسسەيندەردىڭ; ساعات 18.00-گە دەيىن Ashyq جوباسىنا قاتىسۋىنا قاراماستان, وسو, ساۋدا ۇيلەرىنىڭ, ساۋدا جەلىلەرىنىڭ; Ashyq جۇيەسىنە قاتىساتىن قوعامدىق تاماقتانۋ نىساندارىنىڭ, فۋدكورتتاردىڭ جۇمىسى – ساعات 20.00-گە دەيىن, Ashyq جۇيەسىنە قاتىسپايتىنداردىڭ جۇمىسى – ساعات 18.00-گە دەيىن.
وتىرىس سوڭىندا ۆيتسە-پرەمەر مەملەكەتتىك ورگاندار مەن ءوڭىر اكىمدەرىنە ءتۇسىندىرۋ جۇمىستارىن كۇشەيتۋدى, سونداي-اق حالىقتى كوروناۆيرۋسقا قارسى ۆاكتسينالاۋمەن قامتۋدى ارتتىرۋدى تاپسىردى.
