«قازىرگى ۋاقىتتا 280 جابىرلەنۋشى پوليتسياعا شاعىم ءتۇسىردى. سوتقا دەيىنگى تەرگەۋ بارىسىندا رەسپۋبليكامىزدىڭ ءار ءتۇرلى ايماقتارىندا تۇراتىن 300-دەن استام ادام «Expolis Invest VM» جشس باسشىلىعىنىڭ ارەكەتتەرىنەن زارداپ شەككەنى انىقتالدى. نۇر-سۇلتان قالالىق پوليتسيا دەپارتامەنتى قۇرىلىس كومپانياسى ارەكەتتەرىنەن زارداپ شەككەن ۇلەسكەرلەردەن تەرگەۋ بولىمىنە: 71-62-85, 8-775-968-77-34 تەلەفوندارى ارقىلى حابارلاسۋلارىن سۇرايدى», دەيدى قالالىق پد ءباسپاسوز قىزمەتى
وسىنداي جاعدايلاردىڭ الدىن الۋ ءۇشىن, قۇرىلىس كومپانياسىمەن بىرلەسكەن قۇرىلىس تۋرالى كەلىسىمشارتتار جاساسۋ كەزىندە كەلەسى اسپەكتىلەرگە نازار اۋدارۋعا كەڭەس بەرىلەدى:
- جوبالاۋشى مەن قۇرىلىستى سالۋشى كومپانيانىڭ ناقتى زاڭدى مەكەنجايى تۋرالى مالىمەتتەر;
- كومپانيانىڭ مەملەكەتتىك تىركەۋدەن وتكەندىگىن راستايتىن قۇجاتتار;
- كومپانيانىڭ قۇرىلتايشىلارى, سونداي-اق جوبالاۋشى كومپانيا قۇرىلتايشىلارى تۋرالى اقپارات;
- جەكە تۇلعالاردان قاراجات تارتۋ ارقىلى قۇرىلىسقا رۇقساتتى كورسەتەتىن قۇزىرەتتى ورگانداردىڭ ليتسەنزياسىنىڭ بولۋى;
- كومپانيانىڭ قۇرىلىس جۇرگىزىلەتىن جەر ۋچاسكەسىنە قۇقىعىن راستايتىن قۇجاتتار;
- نىساندى سالۋعا گاسك بەرگەن رۇقسات;
- قۇرىلىس كەزەڭدەرى جانە ونى اياقتاۋ مەرزىمدەرى تۋرالى مالىمەتتەر;
- قۇرىلىس كومپانياسىنىڭ قارا تىزىمدە بار-جوعىن تەكسەرىڭىز.
2020 جىلى مامىردا ەلوردا اكىمدىگى پروكۋراتۋرامەن بىرلەسىپ جۇرگىزگەن مونيتورينگ ناتيجەسىندە ۇلەسكەرلەردەن اقشانى زاڭسىز تارتقان 46 قۇرىلىس كومپانياسىن انىقتادى.
