«جاسىل سوقپاق» – ەڭ بەدەلدى كونكۋرستىڭ ءبىرى. وعان بالتىق تەڭىزىنەن تىنىق مۇحيتقا دەيىنگى ارالىقتا ورنالاسقان رەسەي فەدەراتسياسىنىڭ بارلىق وكرۋگى ارنايى ماقساتتاعى بولىمشەلەرىنىڭ كوماندالارى, سونداي-اق ۇقشۇ ەلدەرىنىڭ ارنايى ماقساتتاعى بولىمشەلەرى قاتىسادى.
سايىس 20-دان استام كەزەڭدى قامتيدى. بارلاۋشىلار الىس قاشىقتىققا جىلجۋ, سۋ كەدەرگىسىنەن ءوتۋ, ارنايى مىندەتتى ورىنداۋ, جاۋىنگەرلىك وق اتۋ جانە بارلاۋ توبىن قارسىلاس تىلىنا شىعارۋ كەزىندە توپتاردىڭ ارەكەت ەتۋىن پىسىقتاۋ سايىسىنا تۇسەدى. جارىستىڭ بارلىق كەزەڭىن ورىنداۋعا 100 ساعات بولىنەدى. مىندەت توقتاۋسىز ورىندالادى. بەرىكتىك پەن توزىمدىلىكتى انىقتايتىن باستى سىناق – 10 جانە 30 كيلومەتر قاشىقتىقتا جۇگىرۋ.
جارىستىڭ سوڭعى كەزەڭىندە قاتىسۋشىلار شارتتى قارسىلاستىڭ ديۆەرسيالىق توپتارىن تورۋىلداپ, ولاردىڭ شابۋىلىنا تويتارىس بەرەدى.
قورىتىندىلاۋ كەزىندە بارلاۋشىلاردىڭ اسكەري توپوگرافيا سالاسىنداعى ءبىلىمى, بۇركەمەلەۋ, جاسىرىن جىلجۋ شەبەرلىگى, لاگەردى ۇيىمداستىرۋى, مەديتسينالىق جانە ينجەنەرلىك دايارلىق داعدىلارى ەسكەرىلەدى.
بارلاۋشىلار كونكۋرسقا قاتىسا وتىرىپ, ءارتۇرلى وڭىردە, تابيعي جانە كليماتتىق جاعدايلاردا جاۋىنگەرلىك ءىس-قيمىلداردى جۇرگىزۋدە تاجىريبە جيناقتايدى. بيىلعى جىلى 47-ءشى رەت وتكىزىلىپ وتىرعان «جاسىل سوقپاق» سايىسى 2 شىلدەدەن 13 شىلدەگە دەيىن جالعاسادى.
«ەگەمەن-اقپارات»
