الەم • 11 شىلدە، 2021

يمپيچمەنت جاريالاۋدى قولدايدى

36 رەت كورسەتىلدى

سەنبىدە جاريالانعان ساۋالداماعا سايكەس برازيليالىقتاردىڭ كوپشىلىگى دجەير بولسوناروعا يمپيچمەنت جاريالاۋدى قولدايتىنى ءمالىم بولدى. ويتكەنى ەلدىڭ وڭشىل پرەزي­دەنتىنە سىبايلاس جەمقورلىق تۋرالى ايىپتاۋلارعا جانە كوروناۆيرۋستىق داعدارىسقا قارسى كۇرەسكە بايلانىستى قىسىم ارتا تۇسكەن.

Datafolha ساۋالداماسى كور­سەتكەندەي، برازيليا­لىق­تار­دىڭ 54 پايىزى برازيليانىڭ تومەنگى پالاتاسى ۇسىنعان بول­سوناروعا قارسى يمپيچمەنت جاريالاۋدى قولدايدى.

دجون حوپكينس ۋنيۆەرسي­تەتىنىڭ مالىمەتىنشە، COVID-19 ۆيرۋسىن «كىشىگىرىم تۇماۋ» دەپ قابىلداعان سكەپتيك بولسونارو بىرنەشە اي بويى قوعامدىق قى­سىمعا، سونىڭ ىشىندە، بىرنەشە ءىرى نارازىلىق پەن سەناتتىڭ تەر­گەۋىنە تاپ بولدى. مۇنداي ارە­كەتكە پاندەميانىڭ برازيليانى كۇيرەتىپ، ۆيرۋستىڭ 531 000-نان استام كىسىنىڭ ءومىرىن جالماۋى سەبەپ بولدى.

جاقىندا بولعان بىرقاتار جان­جال، سونىڭ ىشىندە ەل ۇكىمەتى كوروناۆيرۋسقا قارسى ۆاكتسينا ساتىپ الۋ كەزىندە جىبەرگەن قۇقىق بۇ­زۋشىلىقتار جانە سىبايلاس جەم­قورلىققا قاتىستى ايىپتاۋ پرەزيدەنتكە دەگەن سەنىمدى ازايتتى.

وتكەن ايدا فەدەرالدىق تەر­گەۋشىلەر ءۇندىستاننىڭ Bharat Biotech، Covaxin كومپانياسى شى­عارعان COVID-19-عا قارسى ۆاك­تسيناسىنىڭ 20 ميلليون دوزاسىن ساتىپ الۋعا قاتىستى 1،6 ميلليارد رەال (320 ميلليون اقش دوللارى) تۇراتىن مەم­لەكەتتىك كەلىسىمشارتتى تەكسەرۋ جۇ­مىس­ىن باستاعانىن مالىمدەدى.

باس پروكۋراتۋرا (PGR) Pfizer Inc جانە Johnson&Johnson-مەن ۇقساس مامىلەلەر جۇرگىزىلگەنگە دەيىن اقپان ايىندا قول قويىل­عان Bharat كومپانياسىمەن كەلى­سىمشارتقا كۇمانمەن قارايدى. ويتكەنى ۇندىستاندىق كومپانيا سالىستىرمالى تۇردە جوعارى با­عالار ۇسىنىپ، كەلىسسوزدەر مەن رەتتەۋشى ورگانداردىڭ ماقۇلداۋى تىم جەدەل وتكەن.

بولسونارو «دەنساۋلىق ساقتاۋ مينيسترلىگىندە ۇلكەن سىبايلاس جەمقورلىق سحەماسى بار دەپ حابارلانعاننان كەيىن ەشقانداي ارەكەت جاسامادى» دەگەن ايىپپەن كەلىسپەي، بۇل پىكىردى جوققا شىعاردى.

سەنبىدە راديوعا بەرگەن سۇح­باتىندا بولسونارو شەنەۋنىكتەر Covaxin-مەن مامىلەگە كەلۋ تۋرالى الاڭداۋشىلىقتارىن بولىسكەننەن كەيىن شارا قولدانعانىن ايتتى، بىراق ول ناقتى قانداي تاپسىرما بەرگەنىن ەگجەي-تەگجەيلى ايتپادى.

«مەن اي سايىن كوپتەگەن تاقى­رىپ بويىنشا ءتۇرلى ويمەن كەلەتىن 100 اداممەن كەزدە­سەمىن. مەن بۇل جاعدايدا شارالار قا­بىلدادىم»،  دەدى ول برازيليانىڭ وڭتۇستىگىندەگى Gaucha راديوسىنا.

وتكەن اپتادا بولسونارو فەدە­رالدىق دەپۋتات رەتىندە كومەك­شىلەرىنىڭ جالاقىسىن قىسقارتۋعا باعىتتالعان سحەماعا قاتىستى دەپ تە ايىپتالدى.

بۇرىنعى كەلىنى بولسونارونىڭ ۇجىمداسقان بوپسالاۋشىلار توبى اراسىنداعى ءرولىن تۇسىندىرەتىن اۋديوجازبالارى بار دەپ ايتقان كەزدە برازيليانىڭ UOL ۆەب-ساي­تى سول توپقا جاقىن ادامداردى قىزمەتكەرلەر رەتىندە جالداۋ، سودان كەيىن ولاردان مەملەكەتتىك جالا­قىنى قىسقارتۋ سحەماسى قول­دانىلاتىنى تۋرالى حابار تاراتتى.

جانجالدار كەلەسى جىلى وتەتىن پرەزيدەنتتىك سايلاۋعا دەيىن دە جالعاسۋى مۇمكىن دەگەن كۇدىك بار. ويتكەنى وتكەن دەمالىس كۇندەرى برازيليادا مىڭداعان ادام نارازىلىق ءبىلدىرىپ، ونىڭ وتستاۆكاعا كەتۋىن تالاپ ەتتى.

سونىمەن بىرگە، برازيليا­لىقتار پرەزيدەنتتىك سايلاۋ ءۇشىن سايلاۋ ۋچاسكەلەرىنە بارعاندا قازىرگى پرەزيدەنت سولشىلداردىڭ بۇرىنعى جەتەكشىسى لۋيس يناسيو لۋلا دا سيلۆانىڭ دا قىسىمىنا تاپ بولادى دەپ كۇتىلەدى.

بەيسەنبىدە جاريالانعان Datafolha وتكىزگەن جەكە ساۋال­دامادا برازيليالىقتاردىڭ 51 پايىزى بولسونارونى قول­دامايتىنىن ايتتى. بۇل بول­سونارو 2019 جىل­دىڭ قاڭتارىندا قىز­مەتكە كى­رىسكەننەن بەرگى حا­لىق­تىڭ ەڭ جوعارى تەرىس پىكىرى بو­لىپ وتىر.

سوڭعى جاڭالىقتار

ۇقساس جاڭالىقتار