لاگەردىڭ ۇيىمداستىرۋشىسى - Freedom Finance Life ءومىردى ساقتاندىرۋ كومپانياسى. العاشقى لاگەر 2019 جىلدىڭ شىلدەسىندە ىسكە قوسىلعان. جوبانى قر قارجى نارىعىن رەتتەۋ جانە دامىتۋ جونىندەگى اگەنتتىگى قولداعان. سول ۋاقىت ىشىندە, لاگەرگە 200 استام بالالار قاتىستى.
Freedom Finance Camp - قارجىلىق ساۋاتتىلىق بويىنشا ينتەراكتيۆتى وقۋ ساباقتارىنىڭ كۋرسى. ساباقتا ماماندار ءارتۇرلى ويىن تۇرىندە بالالارعا اقشانى قالاي اقىلمەن تابۋ, جيناقتاۋ جانە جۇمساۋدى ۇيرەتەدى. ودان باسقا, بالالار قور نارىعى, ساقتاندىرۋ, دەپوزيتتەر جانە جىلجىمايتىن م ۇلىك تۋرالى بىلە الادى. كۋرس اياعىندا, قاتىسۋشىلار ءوز جوباسىن ۇسىنادى, بولاشاقتا كىم بولعىسى كەلەدى جانە ماقساتىنا قالاي جەتۋ تۋرالى اڭگىمەلەيدى.
ء«بىزدىڭ لاگەر – تەگىن جانە لاگەرگە قاتىسۋ نيەتى بارلاردىڭ سانى جىلدان-جىلعا وسۋدە. الايدا, ورىندار شەكتەۋلى. بىلتىر, كارانتين كەزىندە لاگەر قاشىقتان جۇمىس ىستەگەندە, ءبىز تەك 100 بالاعا ساباق بەرە الدىق. بۇل جولى شەڭبەرىن كەڭەيتۋدى شەشتىك, قاتىسۋشىلار ورنىن كوبەيتتىك, ساباقتى ونلاين جانە وففلاين رەجيمىندە جۇرگىزۋ جاعدايىن ۇيىمداستىردىق. قاۋىپسىزدىك ەرەجەلەرى ساقتالعان جانە وقۋ جايلى شىعارماشىلىق اتموسفەرادا جۇرگىزىلەدى», دەپ مالىمدەدى Freedom Finance Life باسقارما توراعاسى ازامات ەردەسوۆ.
ساباقتار 2 ساعات ونلاين جانە وففلاين فورماتتا, قازاق جانە ورىس تىلىندە جۇرگىزىلەدى. توپتا ءبىر مەزگىلدە 20 ادام وقيدى.
لاگەر 30 تامىزعا دەيىن جۇمىس ىستەيدى.
