شتاب وليمپيادا ويىندارىنا قاتىسۋدىڭ بارلىق اسپەكتىلەرىمەن اينالىسادى. اتاپ ايتقاندا, سپورتشىلاردىڭ جارىستارعا قاتىسۋى, حالىقارالىق فەدەراتسيالارمەن ءوزارا بايلانىس, لوگيستيكا جانە وليمپياداشىلاردىڭ دەنساۋلىعىن ساقتاۋ سىندى ماسەلەلەرمەن اينالىسادى.
كەزدەسۋگە قاتىسۋشىلار وليمپياداعا ىرىكتەۋدىڭ ەرەكشەلىكتەرىن, كوروناۆيرۋستىق ينفەكتسيادان قورعانۋ ەرەجەلەرىن جانە جالپى جاپونياداعى تالاپتاردى تالقىلادى.
ۇلتتىق قۇراما كوماندالار قازاقستانداعى وليمپيادالىق بازالاردا ويىندار الدىنداعى سوڭعى جاتتىعۋلارىن وتكىزۋدە. سول جەردەن ولار بىردەن توكيوعا اتتانادى.
دەلەگاتسيا مۇشەلەرىنە ويىنداردى ۇيىمداستىرۋ كوميتەتىنىڭ ەرەجەلەرىن, ياعني «پلەيبۋك»-تى مۇلتىكسىز ساقتاۋ قاجەتتىلىگى ەسكە سالىندى. ۇوك باسشىسى كەزدەسۋ سوڭىندا وليمپياداشىلارعا تابىس تىلەدى.
