«وتكەن جىلى ءبىز 16,4 ميلليون قىزمەت كورسەتتىك. ياعني ستاتيستيكا ءبىر قىزمەتتى حقكو-عا ءبىر ءوتىنىش رەتىندە ەسەپتەيدى. ءىس جۇزىندە, ءبىر قىزمەتتى الۋ ءۇشىن كليەنت حقكو-عا ءوتىنىش بەرۋ ءۇشىن جانە ناتيجەنى الۋ ءۇشىن ەكى رەت جۇگىنەدى. بۇل بولىمشەگە قوسىمشا جۇكتەمە جاسايدى. ازاماتتاردىڭ قايتا جۇگىنۋىن بولدىرماي, كەزەكتى ازايتۋ ماقساتىندا ءۇش قالادا – نۇر-سۇلتان, الماتى, شىمكەنت قالالارىندا دايىن قۇجاتتاردى جەتكىزۋ قىزمەتى ىسكە اسىرىلدى», دەدى «ازاماتتارعا ارنالعان ۇكىمەت» مەملەكەتتىك كورپوراتسياسى» كە اق باسقارما توراعاسىنىڭ ءبىرىنشى ورىنباسارى سۇيەنىش ءابدىلدين ورتالىق كوممۋنيكاتسيالار قىزمەتىندە وتكەن بريفينگتە.
سپيكەر سەرۆيس مەحانيزمى قاراپايىم ەكەنىن ءتۇسىندىردى: قۇجاتتىڭ دايىندىعى بويىنشا تۇرعىنعا بىرەگەي سىلتەمەسى بار SMS كەلەدى. سىلتەمە بويىنشا ءوتىپ, مەكەنجايدى كورسەتىپ, 970 تەڭگە تولەۋ قاجەت, قۇجات كۇنبە-كۇن جەتكىزىلەتىن بولادى.
«پيلوتتىق جوبانىڭ ءبىر جارىم ايىندا 1 200-دەن استام قۇجات جەتكىزىلدى. جاقىن ارادا جوبا بۇكىل قازاقستان بويىنشا كەڭەيتىلەتىن بولادى», دەپ اتاپ ءوتتى سۇيەنىش ءابدىلدين.
