«نۇر-سۇلتان قالاسىندا ەپيدەميولوگيالىق جاعداي شيەلەنىسە تۇسۋدە. قالادا 2400-گە جۋىق توسەك ورنى بار. دەسەك تە, قوسىمشا توسەك ورىندارى ءالى دە قاجەت. دەنساۋلىق ساقتاۋ باسقارماسىمەن بىرلەسكەن وتىرىستا قوسىمشا كوۆيدتى توسەك-ورىنداردى ورنالاستىرۋ تۋرالى شەشىم قابىلداندى», دەدى شورانوۆ.
ونىڭ ايتۋىنشا, جاقىن ارادا نۇر-سۇلتان قالاسى بويىنشا دەنساۋلىق ساقتاۋ باسقارماسى ءتيىستى بۇيرىقتى قابىلداۋى مۇمكىن. بۇيرىقتا ناۋقاستار قانداي اۋرۋحانالاردا جوسپارلى جانە شۇعىل كومەك الا الاتىنى جونىندە تولىق ماعلۇمات بەرىلەتىن بولادى.
«كوروناۆيرۋستىق ينفەكتسيامەن كۇرەسۋدەن باسقا, ءبىزدىڭ مىندەتىمىز – حالىقتى ساپالى, ونىڭ ىشىندە جوسپارلى جانە شۇعىل جاعدايلار بويىنشا كومەكپەن قامتاماسىز ەتۋ», دەدى دەنساۋلىق ساقتاۋ ءمينيسترىنىڭ ءبىرىنشى ورىنباسارى.
