«قازىرگى كەزدە الەۋمەتتىك سالاداعى 11 مەملەكەتتىك قىزمەت ءتۇرى پرواكتيۆتى فورماتقا اۋدارىلدى. ونداعى باستى شارت – قولدانۋشى ءموبيلدى ازاماتتار بازاسىندا تىركەلۋى ءتيىس. 2017 جىلعا دەيىن بىزدەن تولەم الاتىن ادامداردىڭ بارلىعى حقكو كەلىپ, قۇجاتتارىن وزدەرى جيناپ, وتكىزەتىن بولسا, قازىرگى كەزدە بارلىعى اۆتوماتتاندىرىلعان جۇيەدە ىسكە اسىرىلادى. مىسالى, تەك ءبىر سمس-حابارلاماعا جاۋاپ بەرە وتىرىپ, بىردەن تۋ تۋرالى كۋالىكتى راسىمدەۋگە, بالاباقشاعا كەزەككە تۇرۋعا جانە بالا كۇتىمى بويىنشا جاردەماقى الۋعا بولادى», دەدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما توراعاسىنىڭ ورىنباسارى ءبىرجان ءجۇنىسوۆ حالىقتى پرواكتيۆتى فورماتتا الەۋمەتتىك قىزمەتتەردى الۋ ءۇشىن ءموبيلدى ازاماتتار بازاسىندا تىركەلۋگە شاقىرا وتىرىپ.
سونىمەن قاتار الداعى ۋاقىتتا ادامعا تۇرعىلىقتى جەرىنە قاراماستان قىزمەت الۋعا مۇمكىندىك بەرۋ ماسەلەسى شەشىمىن تاباتىن بولادى.
