جۇرگىزۋشىلەردىڭ الدىندا اۆتوكولىكتى قايتا تىركەۋ كەزىندە ساقتاندىرۋ ءپوليسىن دەلدالدار ارقىلى رەسىمدەۋ قاجەتتىلىگى جويىلدى. ەندى ونى بىردەن اۆتوتسوننان ساتىپ الۋعا بولادى. اتالعان قىزمەتتى كورسەتۋ بويىنشا پيلوتتىق جوبا نۇر-سۇلتان, الماتى جانە شىمكەنت قالالارىندا وسى جىلدىڭ ماۋسىم ايىنان باستاپ باستالدى.
«جاڭا جوبا مامانداندىرىلعان حقكو-لاردىڭ الدىندا تۇرىپ اۆتوكولىك يەلەرىنە ءوز قىزمەتتەرىن ۇسىناتىن زاڭسىز «كومەكشىلەرگە» بايلانىستى ماسەلەلەردى شەشۋگە كومەكتەسەدى. ەگەر پيلوتتىق جوبا ءساتتى وتسە, ءبىز ەلىمىزدىڭ باسقا مامانداندىرىلعان حقكو-لارىندا دا ساقتاندىرۋ قىزمەتىن ەنگىزەمىز», دەپ حابارلادى كورپوراتسيا توراعاسىنىڭ ءبىرىنشى ورىنباسارى سۇيەنىش ءابدىلدين.
قايتا تىركەۋدەن كەيىن اۆتوكولىك يەلەرى اقپاراتتىق جۇيەلەردى بىرىكتىرگەندەردىڭ ىشىنەن ساقتاندىرۋ كومپانياسىن وزدەرى تاڭداي الادى. پيلوتتىق جوبا ىسكە قوسىلعاننان بەرى مامانداندىرىلعان حقكو كليەنتتەرى ازاماتتىق-قۇقىقتىق جاۋاپكەرشىلىكتىڭ ءۇش جۇزدەن استام شارتىن جاساستى.
