ۇندىستانداعى ەپيدەميولوگيالىق جاعدايدى ەسكەرە وتىرىپ, ونلاين فورماتتا وتكەن ءراسىم بارىسىندا ءۇندى مەملەكەتىنىڭ باسشىسى قازاقستاندىق ديپلوماتتى قىزمەتكە تاعايىندالۋىمەن قۇتتىقتاپ, ونىڭ وسى لاۋازىمداعى جۇمىسى ەكى مەملەكەت اراسىنداعى ستراتەگيالىق سەرىكتەستىككە نەگىزدەلگەن ءوزارا ءتيىمدى قاتىناستاردىڭ ۇدەمەلى ودان ءارى دامۋىنا ىقپال ەتەتىنىنە سەنىم ءبىلدىردى.
راسىمنەن كەيىنگى سۇحباتتا تاراپتار ەكىجاقتى جانە كوپجاقتى فورماتتاعى ساياسي ديالوگتىڭ جوعارى دەڭگەيىن اتاپ ءوتىپ, ساۋدا-ەكونوميكالىق, ينۆەستيتسيالىق جانە مادەني-گۋمانيتارلىق ىنتىماقتاستىقتى ارتتىرۋ مۇمكىندىكتەرى تۋرالى پىكىر الماستى.
كەزدەسۋ سوڭىندا رام ناتح كوۆيند پرەزيدەنت قاسىم-جومارت توقاەۆقا ىزگى تىلەكتەرىن جەتكىزدى, سونداي-اق جاڭا ەلشىگە قازاقستان مەن ءۇندىستان اراسىنداعى قارىم-قاتىناستاردى ودان ءارى نىعايتۋدا ساتتىلىك تىلەدى.
