«مەديتسينالىق قارسى كورسەتىلىمدەرى جوق, قازاقستان رەسپۋبليكاسىنىڭ اۋماعىندا تۇراقتى تۇراتىن ادامدار ينفەكتسيالىق جانە پارازيتتىك اۋرۋلارعا قارسى ۆاكتسيناتسيا الۋعا مىندەتتى. (كودەكستىڭ 85-بابىنىڭ 4 جانە 8-تارماقتارى), سونىڭ ىشىندە COVID-19-عا قارسى پروفيلاكتيكالىق ەگۋ (قازاقستان رەسپۋبليكاسى ۇكىمەتىنىڭ 2020 جىلعى 24 قىركۇيەكتەگى № 612 قاۋلىسىنا سايكەس)», دەلىنگەن حابارلامادا.
سونىمەن قاتار مەديتسينالىق قارسى كورسەتىلىمدەرى جوق ادامدارعا كوروناۆيرۋسقا قارسى مىندەتتى ۆاكتسيناتسيا جۇرگىزۋدىڭ زاڭدى نەگىزدەرى بار جانە بۇل «كونستيتۋتسيانىڭ 31-بابىنا سايكەس (مەملەكەت ادامنىڭ ءومىرى مەن دەنساۋلىعىنا قولايلى قورشاعان ورتانى قورعاۋعا باعىتتالعان)» نەگىزدەلگەن.
«ادامنىڭ جانە ازاماتتىڭ قۇقىقتارى مەن بوستاندىقتارىنا كەپىلدىك بەرە وتىرىپ, قازاقستان رەسپۋبليكاسىنىڭ كونستيتۋتسياسى ولاردىڭ شەكتەلۋ مۇمكىندىگىن جوققا شىعارمايدى, سونىمەن بىرگە مۇنداي شەكتەۋدىڭ رۇقسات ەتىلگەن تۇستارىن كورسەتەدى. قۇقىقتار مەن بوستاندىقتار ادامنىڭ قۇقىقتارى مەن بوستاندىقتارى مەن حالىقتىڭ دەنساۋلىعىن قورعاۋ ماقساتىندا عانا شەكتەلۋى مۇمكىن (كونستيتۋتسيانىڭ 39-بابىنىڭ 1-تارماعى)», دەپ ءتۇسىندىردى ادىلەت مينيسترلىگى.
