ۇلتتىق قۇرامانىڭ قورجىنىندا ەكى التىن, ءبىر كۇمىس جانە ەكى قولا بار. وليمپيادا 29 ماۋسىم مەن 5 شىلدە ارالىعىندا مولدوۆادا ونلاين فورماتتا ءوتتى. زياتكەرلىك بايقاۋعا الەمنىڭ 22 ەلىنەن 132 وقۋشى قاتىستى.
الماتى مەكتەبىنىڭ وقۋشىسى بايشۋاق رايىمبەك وليمپيادا بارىسىندا مۇمكىن بولعان 40 بالدان 40 بالل جيناپ, جوعارى كورسەتكىشكە قول جەتكىزدى. وسىلايشا, بايشۋاق رايىمبەك پەن يۋركەۆيچ ميرون - التىن, ناعاشبەك مۇحاممەد - كۇمىس, سۇلتانبەك بايجانوۆ پەن دامير نۇرلانوۆ قولا جۇلدەگە يە بولدى.
جالپىكوماندالىق ەسەپتە قازاقستان ءۇشىنشى ورىندى يەلەندى.
وليمپيادادا ەل نامىسىن قورعاعان بالالار نۇر-سۇلتان, الماتى جانە پاۆلودار قالاسىنىڭ وقۋشىلارى. ولار رەسپۋبليكالىق وليمپيادانىڭ قورىتىندى كەزەڭىنىڭ جەڭىمپازدارى.
ۇلتتىق قۇرامانى جارىسقا تاجىريبەلى پەداگوگتەر مەن جاتتىقتىرۋشىلار دايىندادى.
