ونەر • 08 شىلدە، 2021

گولليۆۋد جوباسىنا قاتىستى

19 رەت كورسەتىلدى

«استانا وپەرا» سيمفونيالىق وركەسترىنىڭ ارتىستەرى امەريكالىق كينورەجيسسەر، ستسەناريست ءارى پروديۋسەر، ءۇش مارتە «وسكار» سىيلىعىنىڭ يەگەرى وليۆەر ستوۋننىڭ قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ تۋرالى Qazaq – The History of Golden Man فيلمىنە ارناپ مۋزىكا ورىندادى. ءفيلمنىڭ رەجيسسەرى – ۋكراينالىق جانە امەريكالىق كينويندۋستريا قايراتكەرى يگور لوپاتيونوك، وعان ارناپ مۋزىكانى اتاقتى كومپوزيتور، «التىن گلوبۋس» قۇرمەتتى ماراپاتىنىڭ يەگەرى كارلو سيليوتتو جازدى.

مۋزىكا تەاتردىڭ سيمفونيالىق وركەسترىنىڭ ورىنداۋىندا «استانا وپە­رادا» جازىلدى. دەرەكتى فيلم 8 سە­ريادان تۇرادى. وليۆەر ستوۋننىڭ قا­­زاقستاننىڭ تۇڭعىش پرەزيدەنتى نۇرسۇلتان نازارباەۆتىڭ ءومىرى تۋرالى اۋقىمدى سۇحباتىندا قازاقستان مەن ورتالىق ازياداعى ساياسي احۋال جانە ەلىمىزدىڭ مادەنيەتى مەن تاريحى جايىن­دا اسەرلى اڭگىمە ءوربيدى.

– شىنى كەرەك، فيلمگە كىرىسپەس بۇرىن قازاقستاننىڭ سىرتقى ساياساتىنان حابارىم بولماسا دا، مول تا­جىريبە جينادىم. سەبەبى نۇرسۇلتان نازارباەۆپەن كەزدەسىپ، ول كىسى جاس كۇ­­نىندە قانداي قاراپايىم بولسا، قا­زىر دە سول قالپىندا ەكەندىگىن تانىدىم. قولىنداعى بيلىگىنە قاراماستان، نۇرسۇلتان ءابىش ۇلىنىڭ بويىنان قارا­پايىم جۇمىسشى بولعان كەزدەگى ادام­گەرشىلىك قاسيەتتەرى بايقالىپ تۇردى، − دەدى كارلو سيليوتتو.

سونداي-اق كومپوزيتور وزىنە رەجيسسەر مەن باس پروديۋسەر مۋزىكا جازۋعا تولىق ەركىندىك بەرگەندىگىن ايتادى.

− وسى تۋىندى جانە بۇدان بۇرىنعى «كوشپەندىلەر» كوركەم فيلمىنە (2007 جىلعى شىلدە) بايلانىستى قازاقستانعا دەگەن كوزقاراسىم ەرەكشە. بۇعان دەيىن دە مەن الماتىعا كەلىپ، ازيا فەستيۆالىنە قاتىسىپ، بىرقاتار كومپوزيتورلارمەن تانىستىم. وسى جوبادا قازاقستاننىڭ ەڭبەك سىڭىرگەن قايراتكەرى، تانىمال كوم­پوزيتور، فولكلور زەرتتەۋشىسى ءارى مۋلتينسترۋمەنتاليست ەدىل قۇ­سايىنوۆ پەن قازاقستاننىڭ ەڭبەك سىڭىرگەن ونەر قايراتكەرى، ەتنوگراف ەرلان ءسابيتوۆتىڭ مۋزىكاسىن پايدالاناتىنىمدى ءبىلدىم. ءبىز ولارمەن قازاق ۇلتتىق اسپاپتارىنىڭ دىبىستالۋىن جازدىق، − دەدى ول.

سونىمەن قاتار ماەسترو ەلىمىزگە وزى­مەن بىرگە دىبىس ينجەنەرى مەن لوس-اند­­جەلەستەن مۋزىكالىق رەداكتورلىق توبىن الا كەلىپتى.

− قازاقستانعا دەگەن ماحابباتىمنان شابىتىنان مۋزىكا دۇنيەگە كەلىپ، «استانا وپەرا» سيمفونيالىق وركەس­ترىمەن تاماشا جۇمىس ىستەدىك. سوليستەر – ءمىنسىز، وركەستر – عاجاپ، ولاردىڭ ءبارى كاسىبي جوعارى ماماندار. وركەستردىڭ بارلىق سوليستەرىمەن ءبىز فورتەپيانو سولوسىن، ارفا سولوسىن، سوقپالى اسپاپتار سولوسىن جازىپ، حور جانە وپەرا سوليس­تەرىمەن بىرلەسىپ ەڭبەك ەتتىك، − دەپ اتاپ ءوتتى سۇحبات سوڭىندا كارلو سيليوتتو.

جاس كومپوزيتور، دومبىراشى ابىل­قايىر جاراسقان دا وسى ءفيلمنىڭ ساۋندترەگى بويىنشا جۇمىس ىستەگەن.

− وسىناۋ اۋقىمدى جوباعا قاتىسۋ – مەن ءۇشىن ۇلكەن ابىروي. سەبەبى مەن وعان كومپوزيتور رەتىندە قاتىسقان جوق­­پىن، ۇلتتىق اسپاپتاردا وينايتىن مۋزىكانتتاردىڭ جۇمىسىنا جەتەكشىلىك ەتتىم. كارلو ەكەۋىمىز ءبىر-ءبىرىمىزدى ايت­قىزباي-اق تۇسىنەتىن جاقسى دوسپىز، كەيدە ءارى قاراي نە ىستەۋ كەرەكتىگىن شەشۋ ءۇشىن ءبىر كوزقاراستىڭ ءوزى دە جەتكىلىكتى. مەن ءفيلمنىڭ «شىمىلدىعىن اشاتىن» مۋزىكانى جازدىم، وندا قازاقتىڭ تابيعاتى تۇنىپ تۇر. بۇل كومپوزيتسيا «اڭىز» دەپ اتالادى، وعان بۇل اتاۋدى جوبانىڭ رەجيسسەرى ءارى پروديۋسەرى، وليۆەر ستوۋننىڭ شاكىرتى يگور لو­پا­تيونوك بەردى، − دەيدى ول.

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار