بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو ەلباسىنىڭ تاۋەلسىز قازاقستاننىڭ قالىپتاسۋى مەن وركەندەۋىندەگى ايرىقشا ءرولىن اتاپ ءوتتى.
– ءسىزدىڭ بەلارۋس پەن قازاقستان اراسىندا جەمىستى بايلانىس ورناتۋعا, ەۋرازيالىق ينتەگراتسيا يدەياسىن ءىس جۇزىنە اسىرىپ, پوستكەڭەستىك كەڭىستىكتە تىنىشتىق پەن تۇراقتىلىقتى قامتاماسىز ەتۋگە قوسقان ولشەۋسىز ۇلەسىڭىز ءۇشىن العىس بىلدىرەمىن. ءاردايىم ەكىجاقتى جانە حالىقارالىق كۇن تارتىبىندەگى وزەكتى ماسەلەلەر بويىنشا ءوزارا ءتيىمدى شەشىم قابىلداۋعا ازىرلىگىمەن ءارى اشىقتىعىمەن ەرەكشەلەنەتىن جاقىن قارىم-قاتىناسىمىزدى جوعارى باعالايمىن, – دەلىنگەن ا.لۋكاشەنكونىڭ جەدەلحاتىندا.
تۇرىكمەنستان پرەزيدەنتى گۋربانگۋلى بەردىمۇحامەدوۆ قازىرگى قازاقستاننىڭ تاريحى نۇرسۇلتان نازارباەۆتىڭ ەسىمىمەن تىعىز بايلانىستى ەكەنىن ايتتى.
– تۇرىكمەنستان مەن قازاقستان رەسپۋبليكاسى اراسىنداعى ىنتىماقتاستىقتىڭ جوعارى دەڭگەيىن ەرەكشە اتاپ وتكىم كەلەدى. تۇرىكمەنستان مەن قازاقستاننىڭ مەملەكەتارالىق قاتىناستارى جانە ستراتەگيالىق سەرىكتەستىگى الداعى ۋاقىتتا دا ءبىزدىڭ باۋىرلاس حالىقتارىمىزدىڭ يگىلىگى ءۇشىن دامىپ, نىعايا تۇسەتىنىنە سەنىمىم مول, – دەلىنگەن تۇرىكمەنستان پرەزيدەنتىنىڭ حاتىندا.
