ەل جانە ەلباسى • 06 شىلدە، 2021

نۇرسۇلتان نازارباەۆ 81 جاسقا كەلدى

1042 رەت كورسەتىلدى

بۇگىن، 6 شىلدەدە قازاقستاننىڭ تۇڭعىش پرەزيدەنتى نۇرسۇلتان نازارباەۆ 81 جاسقا تولدى، دەپ حابارلايدى Egemen.kz.

نۇرسۇلتان ءابىش ۇلى نازارباەۆ 1940 جىلى 6 شىلدەدە الماتى وبلىسى شامالعان اۋىلىندا دۇنيەگە كەلگەن. اتا-اناسى ءابىش پەن ءالجان نازارباەۆتار اۋىل شارۋاسى بولعان. 

ەلباسى سايتىنداعى مالىمەتكە سۇيەنسەك، سابيگە ات تاڭداۋدىڭ ءوزى جاتقان ءبىر حيكاياعا اينالعان. «تويعا جينالعان اعايىن-تۋىس ءتۇرلى ەسىمدەردى تۇس-تۇستان ايتىپ جاتتى. ەڭ اقىرىندا جاڭا تۋعان ۇلدىڭ اجەسى مىرزابالا مىناداي ۇسىنىس ءبىلدىردى: «مەنىڭ سۇيىكتى نەمەرەم ەكى بىردەي ەسىمدى الىپ ءجۇرسىن. ونىڭ اتى نۇرسۇلتان بولسىن».

وتباسىندا سۇلتان دەپ اتالعان ۇلاننىڭ بالالىق شاعى سوعىستىڭ سۇراپىل جىلدارىنا جانە سوعىستان كەيىنگى اۋىر كەزەڭگە تۇسپا-تۇس كەلدى.

ەلباسى

بۇل سوعىستاعى جەڭىسكە ميلليونداعان ادامدى قۇربان ەتكەن الىپ مەملەكەتتىڭ ايرىقشا كۇش جۇمىلدىرعانىنىڭ ارقاسىندا قول جەتتى. جارىمجان كۇيگە تۇسكەن ەل ءۇيىندى اراسىنان شىعىپ، ەندى عانا ەڭسەسىن كوتەردى. جەڭىستەن كەيىن بىرنەشە جىل وتكەن سوڭ كسرو «قىرعي-قاباق سوعىس» دەپ اتالعان، بارلىق اۋىرتپالىعى قاراپايىم حالىقتىڭ يىعىنا تۇسكەن جاڭا مازاسىز دوداعا قوسىلدى.

1979 جىلى نۇرسۇلتان نازارباەۆ قازاقستان كومپارتياسى ورتالىق كوميتەتىنىڭ حاتشىسى بولدى. 1984 جىلى ول كسرو-داعى وداقتىق رەسپۋبليكانىڭ ەڭ جاس، 44 جاستاعى پرەمەرى - قازاق كسر مينيسترلەر كەڭەسىنىڭ توراعاسى بولادى.

1989 جىلدىڭ كوكتەمىندە كسرو-دا العاش رەت مەملەكەتتىك بيلىكتىڭ جوعارعى ورگانىنا بالاما سايلاۋ ءوتتى. 1989 جىلى ماۋسىمدا ماسكەۋدە كسرو حالىق دەپۋتاتتارىنىڭ ءبىرىنشى سەزى ءوتتى، وندا رەفورمالاردىڭ قاجەتتىلىگى، يدەولوگيا مەن ەكونوميكا ماسەلەلەرى قىزۋ تالقىلاندى. حالىق دەپۋتاتتارىنىڭ سەزى اياقتالعاننان كەيىن گەننادي كولبين ماسكەۋگە جۇمىسقا اۋىستىرىلدى. 1989 جىلى 22 ماۋسىمدا قازاق كسر كومپارتياسى وك نۇرسۇلتان نازارباەۆتى ءبىرىنشى حاتشى قىزمەتىنە سايلايدى.

1990 جىلعى 24 ساۋىردە قازاق كسر جوعارعى كەڭەسى قازاق كسر پرەزيدەنتى لاۋازىمىن بەكىتتى.

نۇرسۇلتان نازارباەۆ جوعارعى كەڭەستىڭ سەسسياسىندا قازاقستان تاريحىنداعى تۇڭعىش پرەزيدەنت بولىپ سايلانادى. 1991 جىلعى 1 جەلتوقساندا رەسپۋبليكا پرەزيدەنتىنىڭ العاشقى بۇكىلحالىقتىق سايلاۋى ءوتتى، وندا نازارباەۆ حالىق قولداۋىنا يە بولدى.

1991 جىلى 10 جەلتوقساندا قازاق كسر جوعارعى كەڭەسى قازاق كسر-ءىن قازاقستان رەسپۋبليكاسى دەپ اتاۋ تۋرالى زاڭ شىعاردى جانە قازاقستان پرەزيدەنتىن ۇلىقتاۋ ءراسىمىن وتكىزدى. 1991 جىلى 16 جەلتوقساندا قازاق كسر جوعارعى كەڭەسى رەسپۋبليكانىڭ مەملەكەتتىك تاۋەلسىزدىگىن جاريالادى. نۇرسۇلتان نازارباەۆ پرەزيدەنت بولدى.

2019 جىلدىڭ 19 ناۋرىزىندا نۇرسۇلتان نازارباەۆ وز وكىلەتتىگىن توقتاتاتىنىن ايتتى. 

«قىمباتتى قازاقستاندىقتار، وتانداستار، ارىپتەستەر. بۇگىن مەن سىزدەرگە ءبىزدىڭ مەملەكەتىمىزدىڭ تاريحىنداعى ەڭ ماڭىزدى كەزەڭدەردە ءبىز بىرگە سالعان قالاي ىستەگەنىن ايتقىم كەلەدى. بىراق بۇگىنگى مەنىڭ ەرەكشە. مەن ءوزىم ءۇشىن قيىن شەشىم قابىلدادىم - قازاقستان رەسپۋبليكاسى پرەزيدەنتىنىڭ وكىلەتتىگىن وزىمە قوسۋ»، دەپ مالىمدەگەن ەدى نۇرسۇلتان نازارباەۆ.

 

 

 

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار