ۆەدومستۆونىڭ مالىمەتىنشە, رەسپۋبليكانىڭ باسىم بولىگىندە اتموسفەرالىق فرونتتاردىڭ اسەرىنەن اۋا رايى تۇراقسىز بولادى.
نايزاعاي جارقىلداپ, بۇرشاق جاۋادى. جەل كۇشەيىپ, وتكىنشى جاڭبىر جاۋادى.
اقمولا وبلىسىنىڭ كەي جەرلەرىندە - نايزاعاي, بۇرشاق, داۋىل. جەل ەكپىنى - 15-20 م/س.
كۇندىز الماتى, تۇركىستان وبلىستارىنىڭ تاۋلى اۋداندارىندا كۇن كۇركىرەيدى.
تۇركىستان وبلىسىندا داۋىل تۇرادى. نايزاعاي كەزىندە جەل قارقىنى 15-20 م/س جەتەدى.
اتىراۋ, ماڭعىستاۋ وبلىستارىنىڭ كەي جەرلەرىندە نايزاعاي وينايدى. جەل جىلدامدىعى 15-20 م/س دەيىن كۇشەيەدى. كۇندىز ماڭعىستاۋ وبلىسىنىڭ كەي جەرلەرىندە شاڭدى داۋىل سوعادى.
باتىس قازاقستان وبلىسىنىڭ كەي جەرلەرىندە نايزاعاي ويناپ, جەلدىڭ كۇشى 15-20 م/س جەتەدى. كۇندىز كەي جەرلەردە داۋىل تۇرىپ, بۇرشاق جاۋادى.
اقتوبە وبلىسىنىڭ كەي جەرلەرىندە سەكۋندىنا 15-20 مەتر جىلدامدىقپەن كۇشتى جەل سوعادى. كۇندىز كەي جەرلەردە نايزاعاي جارقىلدايدى.
قوستاناي وبلىسىندا جەل ەكپىنى - 15-23 م/س. كەي جەرلەردە - نايزاعاي, داۋىل, بۇرشاق.
سولتۇستىك قازاقستان وبلىسىندا دا كۇن كۇركىرەپ, داۋىل تۇرادى, بۇرشاق جاۋادى. سەكۋندىنا 15-25 مەتر جىلدامدىقپەن قاتتى جەل سوعادى.
كۇندىز پاۆلودار وبلىسىنىڭ كەي جەرلەرىندە كۇن كۇركىرەپ, داۋىل سوعادى, بۇرشاق جاۋادى. جەل قارقىنى 15-20 م/س دەيىن كۇشەيەدى.
قاراعاندى وبلىسىنىڭ كەي جەرلەرىندە نايزاعاي جارقىلدايدى, كۇندىز جەل ەكپىنى - 15-20 م/س.
تۇندە جانە تاڭەرتەڭ شىعىس قازاقستان وبلىسىنىڭ كەي جەرلەرىندە نايزاعاي وينايدى.
كۇندىز اتىراۋ, باتىس قازاقستان, اقتوبە, الماتى, جامبىل, تۇركىستان, قاراعاندى, ماڭعىستاۋ, شىعىس قازاقستان وبلىستارىندا اپتاپ, قىزىلوردا وبلىسىنىڭ باسىم بولىگىندە وتە قاتتى ىستىق ساكتالادى.
قىزىلوردا, تۇركىستان, اقتوبە وبلىستارىندا, ماڭعىستاۋ, اتىراۋ, جامبىل, قوستاناي وبلىستارىنىڭ باسىم بولىگىندە, قاراعاندى, باتىس قازاقستان, الماتى وبلىستارىنىڭ كەي جەرلەرىندە توتەنشە ءورت قاۋپى ساقتالادى.
