بۇل جايىندا پرەزيدەنتتىڭ ءباسپاسوز حاتشىسى بەرىك ءۋالي مالىمەت تاراتتى.
«قازاقستاننىڭ حالىق اقىنى, «پاراسات» وردەنىنىڭ يەگەرى اسەلحان الىشەرقىزى قالىبەكوۆانىڭ دۇنيەدەن وتۋىنە بايلانىستى كوڭىل ايتامىن. اسەلحان الىشەرقىزى ايتىس كوكجيەگىندە شوق جۇلدىزداي جانىپ, حالقىنىڭ سۇيىكتى اقىن قىزىنا اينالدى. سانالى عۇمىرىن كيەلى ايتىس ونەرىنە ارناپ, جۇرتىمىزدىڭ رۋحاني بايلىعىن دامىتۋعا مول ۇلەس قوستى. سوڭىندا وشپەس مۇرا قالدىردى. اسەلحان قالىبەكوۆانىڭ ەسىمى حالقىمىزدىڭ جادىندا ماڭگى ساقتالادى دەپ سەنەمىن. مارقۇمنىڭ جانى ءجانناتتا, يمانى سالامات بولسىن», دەلىنگەن جەدەلحاتتا.
