بۇل تۋرالى ازەربايجان رەسپۋبليكاسىنىڭ توتەنشە جاعدايلار مينيسترلىگىنىڭ وكىلدەرى مالىمدەدى.
«بۇگىن تاڭەرتەڭ ەلدىڭ تجم اۋە جاساعىنىڭ تىكۇشاقتارى بارلاۋ ۇشۋلارىن وتكىزدى. ناتيجەسىندە ساليان اۋدانى باعىتىنا قاراي جاعالاۋدان شامامەن 30 شاقىرىم جەردەگى تاستى ارالدا لايلى جانارتاۋدىڭ اتقىلاۋ فاكتىسى انىقتالدى. قازىرگى كەزدە جانارتاۋ كراتەرىندە ازداعان ورتەگۋ بايقالىپ وتىر. جانارتاۋ تەڭىزدەگى مۇناي-گاز ينفراقۇرىلىمى مەن باسقا نىساندار, سونداي-اق ادام ومىرىنە قاۋىپ ءتوندىرىپ تۇرعان جوق», دەلىنگەن ازەربايجان تجم مالىمدەمەسىندە.
تەڭىزدە ءورت جاعدايىنىڭ ورىن الۋى سەبەبىن انىقتاۋ ءۇشىن وقيعا ورنىنا SOCAR (ازەربايجاننىڭ مەملەكەتتىك مۇناي كومپانيالارى) قىزمەتكەرلەرى اتتاندى. شارا قورىتىندىلارى بويىنشا, كومپانيانىڭ تىكەلەي باقىلاۋىنداعى تەڭىز پلاتفورمالارى مەن ونەركاسىپ نىساندارىندا اپات بولماعانىن جانە جۇمىستىڭ شتاتتىق رەجيمدە ءوتىپ جاتقانى حابارلاندى.
ەسكە سالا كەتسەك, كاسپي تەڭىزىنىڭ ازەربايجان بولىگىندە جارىلىس بولدى.
