كلينينگ-سەرۆيس – بۇل دەنساۋلىق پەن قورشاعان ورتاعا زيان كەلتىرمەيتىن, ارنايى تازالاۋعا ارنالعان جۋعىش قۇرالدار مەن جابدىقتاردىڭ كومەگىمەن شەلەكتىڭ كومەگىنسىز تازالىق جۇرگىزۋ. بۇل جۇيە كەشەندى گيگيەنالىق تازالىق پەن دەزينفەكتسيانى قامتاماسىز ەتەدى. زاماناۋي جاعدايلاردا بۇل دەنساۋلىق ساقتاۋ سالاسىندا اسا قاجەت.
«تازالىق – دەنساۋلىق كەپىلى. كەز كەلگەن مەديتسينالىق ۇيىم سانيتاريالىق-ەپيدەميولوگيالىق ءتارتىپتى ەرەكشە ساقتايتىن ورىن. ارقايسىسى تەك قانا پاتسيەنتتەر ءۇشىن عانا ەمەس, سونىمەن قاتار پەرسونال ءۇشىن دە قاۋىپسىز, تازا ورتا قامتاماسىز ەتۋى ءتيىس.
وسىعان بايلانىستى, كلينينگ قىزمەتىن قۇرۋدىڭ ماقساتى سانيتارلىق نورمالار مەن ەرەجەلەردىڭ تالاپتارىنا سايكەس ساپالى تازالىق جۇرگىزۋ, اسىرەسە COVID-19 كوروناۆيرۋس ينفەكتسياسى كەزىندە كلينيكادا ەپيدەمياعا قارسى جانە سانيتاريالىق-گيگيەنالىق ءىس-شارالاردىڭ ساقتالۋىن قاداعالاۋ قاجەت.
بيىلعى جىلدىڭ ماۋسىم ايىندا كىشى پەرسونالدىڭ ىشىنەن 33 ادام «مەديتسينالىق ۇيىمدارداعى كاسىبي كلينينگ: تەورياسى مەن پراكتيكاسى» تاقىرىبىندا ءتيىستى دايىندىقتان ءوتتى. وقىتىلعان قىزمەتكەرلەر سۆەپ حاي-سپيد (گەرمانيا) جۇيەسىن پايدالانۋ بويىنشا نۇسقاۋلىقپەن تانىستىرىلدى. تەوريالىق بىلىمدەرىن بەكىتە وتىرىپ, وقۋ بارىسىندا ماماندار وسى جۇيەنى پراكتيكادا قالاي پايدالانۋىن ۇيرەندى. بۇل – تازالاۋعا كەتەتىن ۋاقىتتى قىسقارتۋ, جۋعىش زاتتاردى ۇتىمدى تۇتىنۋ ەسەبىنەن جالپى تازالاۋ شىعىندارىن 40%-عا دەيىن ۇنەمدەۋگە مۇمكىندىك بەرەتىن تازالاۋدىڭ زاماناۋي جاڭا ءادىسى.
ء«بىزدىڭ كلينينگ قىزمەتىنىڭ بارلىق ماماندارى قاجەتتى داعدى مەن ءبىلىمدى مەڭگەردى. ولار اتتەستاتتاۋ مەن سەرتيفيكاتتاۋدان وتكەن ماماندار», دەپ اتاپ ءوتتى كلينيكانىڭ ءبىرىنشى باسشىسى.
وسى سالانىڭ قىزمەتى ەكونوميكالىق جانە سانيتاريالىق-ەپيدەميولوگيالىق ماقساتقا ساي ەكەندىگىن كورسەتتى.
ايناش ەسالى,
«Egemen Qazaqstan»
الماتى
