گەرمانيانىڭ ۆاكتسينالاۋ جونىندەگى تۇراقتى كوميسسياسى ءارتۇرلى ءتيپتى - مرنك-ۆاكتسينا جانە ۆەكتورلى ۆاكتسينانىڭ ەكى ءتۇرىن دە سالدىرۋعا رەسمي تۇردە كەڭەس بەرەدى. بۇل ەلدىڭ دەنساۋلىق ساقتاۋ ءمينيسترى يەنس شپان مۇنداي ەكپە الۋ ءتاسىلىن «اسا ۇتىمدى» دەپ مالىمدەدى. بۇل ءتاسىل ارقىلى ەكپە العان تۇرعىنداردىڭ بويىندا «دەلتا» شتامىنان قورعانىس ادەتتەگىدەي ءبىر ۆاكتسينا ءتۇرىن العانداردان ەداۋىر ەرتە قالىپتاسادى.
ايتا كەتەيىك, گەرمانيادا COVID-19-دىڭ تارالۋى ءورشىپ بارادى. وتكەن تاۋلىكتە 671 جاڭا دەرەك تىركەلدى, دەپ حابارلايدى روبەرت كوح اتىنداعى ينستيتۋت. بۇل ءبىر اپتا بۇرىنعى كورسەتكىشتەن 79 دەرەككە ارتىق. وتكەن تاۋلىكتە 16 پاتسيەنت قايتىس بولعان, قازا تاپقانداردىڭ جالپى سانى 91 023-كە دەيىن جەتتى. جالپى, ەپيدەميا باستالعاننان بەرى گەرمانيانىڭ 84 ميلليون تۇرعىنىنىڭ 3 730 353-ىنەن ينفەكتسيا انىقتالدى.
