كەنتاۋ قپب-عا جارىقپەن قامتاماسىز ەتەتىن مەكەمەنىڭ ءبىرى بەلگىسىز بىرەۋلەردىڭ جول بويىندا ورنالاسقان ەلەكتر باعاناسىنىڭ جابدىقتارىن جىمقىرىپ جۇرگەنىن كورسەتكەن. جابىرلەنۋشىگە كەلتىرىلگەن جالپى شىعىن كولەمى 12 ميلليون تەڭگەنى قۇرايدى.
اتالعان جايتتى كەنتاۋلىق پوليتسەيلەر قر قىلمىستىق كودەكسىنىڭ 188-بابى (ۇرلىق) بويىنشا تىركەپ, جەدەل ۋاكىلدەر توبى وقيعا بولعان جەرگە بەت الدى. ءتارتىپ ساقشىلارى 10 كۇن بويى قىلمىسكەرلەردى انىقتاۋ ماقساتىندا ءتۇرلى ىزدەستىرۋ جۇمىستارىن جاسادى. ناتيجەسىندە پوليتسەيلەر كۇدىكتى دەپ تانىلعان ەكى ەر ادامنىڭ ىزىنە ءتۇسىپ, ولاردى پوليتسيا بولىمىنە جەتكىزدى.
بەلگىلى بولعانداي, كۇدىكتىلەردىڭ بىرەۋى شىمكەنت قالاسىنىڭ تۇرعىنى بولسا, ءبىرى تۇركىستان قالاسىنىڭ تۇرعىنى. سونىمەن قاتار كەنتاۋلىق پوليتسەيلەر كۇدىكتىلەردىڭ جىمقىرعان ەلەكتر بولشەكتەرىن جارتى باعاسىنا ساتىپ جىبەرگەنىن راستادى. كۇدىكتىلەر تۇسكەن قارجىنى قاجەتتىلىكتەرىنە جۇمساپ جىبەرگەن. بۇگىندە كۇدىكتىلەر ءوز كىناسىن تولىقتاي مويىندادى. پوليتسەيلەر كۇدىكتىلەردىڭ بۇرىن سوتتى بولعانىن انىقتادى. قازىرگى تاڭدا تەرگەۋ امالدارى جالعاسۋدا.
