«قازاقستان رەسپۋبليكاسى پرەزيدەنت اكىمشىلىگىنىڭ جانە قاراتوبە اۋداندىق ءماسليحات دەپۋتاتتارىنىڭ كەلىسىمىمەن, مەريتوكراتيا قاعيداسىنا سايكەس, قاراتوبە اۋدانىنىڭ اكىمى لاۋازىمىنا سۇيەۋعاليەۆ قادىرجان ورىنباسار ۇلى تاعايىندالدى» دەپ حابارلادى وبلىستىق اكىمدىكتىڭ ءباسپاسوز قىزمەتى.
قادىرجان سۇيەۋعاليەۆ 1972 جىلى دۇنيەگە كەلگەن. باتىس قازاقستان اۋىل شارۋاشىلىعى ينستيتۋتىن «اگرونوميا», ەۋرازيا اكادەمياسىن «ەكونوميكا» ماماندىقتارى بويىنشا تامامداعان.
جاڭا اكىم ءار جىلدارى باتىس قازاقستان وبلىسى قاراتوبە اۋدانى اكىمى اپپاراتىنىڭ ۇيىمداستىرۋ جانە كادرلارمەن جۇمىس ءبولىمىنىڭ مامانى, ءى-دارەجەلى اعا مامانى, ءبولىمىنىڭ مەڭگەرۋشىسى, قاراتوبە اۋدانى اكىمى اپپاراتىنىڭ قارجى-شارۋاشىلىق ءبولىمىنىڭ باس مامان-ءبولىم مەڭگەرۋشىسى, اۋدان اكىمى اپپاراتىنىڭ باسشىسى قىزمەتىن اتقارعان. وسى اۋدانداعى قاراتوبە جانە شوپتىكول اۋىلدىق وكرۋگتەرىنىڭ اكىمى بولعان. 2016 جىلدان بەرى قاراتوبە اۋداندىق ءماسليحاتىنىڭ حاتشىسى.
