وڭتۇستىك-شىعىس تۇرعىن الاپتارىنا, اگروقالاشىق (2020 جىلى قوسىلماعان بولىك), پرومىشلەننىي اۋداندارىنا گاز تاراتۋ جەلىلەرىن سالۋ جالعاسۋدا. سونداي-اق, «قازترانسگاز ايماق» اق كۇيگەنجار, ميچۋرينو, ينتەرناتسيونالنىي ەلدىمەكەندەرىندە گازبەن جابدىقتاۋ جەلىلەرىنىڭ قۇرىلىسى جۇرگىزىلۋدە. بيىل تاعى 317 شاقىرىم گاز تاراتۋ جەلىسىن سالىنادى, ونىڭ 200 شاقىرىمى ءبىرىنشى جارتىجىلدىقتا سالىنعان..
«گازداندىرۋ – ەلباسىنىڭ اۋقىمدى جوباسى. بۇل جوبا ەكولوگيانى ەداۋىر جاقسارتۋعا مۇمكىندىك بەرەدى, ويتكەنى جەكە سەكتور تۇرعىندارى ءۇيىن كومىرمەن جىلىتپايدى, ناتيجەسىندە قاۋىپسىزدىك ارتادى, قالا تۇرعىندارىنىڭ ءومىر ءسۇرۋ جاعدايى جاقسارادى جانە ت.ب. مىسالى, وسى جىلدىڭ ماۋسىم ايىندا كوكتال-1 تۇرعىن الابى گازعا قوسىلدى, وسىلايشا تاعى 2600 ءۇي كوگىلدىر وتىنمەن قامتاماسىز ەتىلدى. ءبىز سىرتقى جەلىلەردى جۇرگىزگەننەن كەيىن تۇرعىندار ونى ءۇيدىڭ ىشىنە وتكىزۋى كەرەك. جاڭا جىلىتۋ ماۋسىمىندا تاعى 7 تۇرعىن ءۇي الابى گازعا قوسىلۋعا مۇمكىندىك الادى. مىسالى, وتكەن جىلى 43 مىڭ تۇرعىن گازعا قوسىلدى. بۇلتىر 43 مىڭ وتباسى گازبەن قامتاماسىز ەتىلگەن بولاتىن. گازداندىرۋ پروتسەسى مەملەكەت باسشىسىنىڭ باقىلاۋىندا», دەپ اتاپ ءوتتى التاي كولگىنوۆ.
وتكەن جىلىتۋ ماۋسىمىندا جەلەزنودوروجنىي, كوكتال-2 تۇرعىن الاپتارىنىڭ جانە اگروقالاشىقتىڭ ءبىر بولىگىندە تۇراتىن تۇرعىندار گازعا قوسىلدى. سول كەزدە 345 كم كۆارتالىشىلىك جەلى سالىندى.
