اتقارىلىپ جاتقان جۇمىستار تۋرالى پرەمەر-ءمينيستردىڭ ورىنباسارى – سىرتقى ىستەر ءمينيسترى مۇحتار تىلەۋبەردى, ۇلتتىق ەكونوميكا ءمينيسترى اسەت ەرعاليەۆ, اۋىل شارۋاشىلىعى ءمينيسترى ساپارحان وماروۆ, ەنەرگەتيكا ءمينيسترى نۇرلان نوعاەۆ, قارجى ءمينيسترى ەرۇلان جاماۋباەۆ, ءبىلىم جانە عىلىم ءمينيسترى اسحات ايماعامبەتوۆ, يندۋستريا جانە ينفراقۇرىلىمدىق دامۋ ءمينيسترىنىڭ ءبىرىنشى ورىنباسارى قايىربەك وسكەنباەۆ, ەكولوگيا, گەولوگيا جانە تابيعي رەسۋرستار ۆيتسە-ءمينيسترى احمەتجان پىرىمقۇلوۆ باياندادى.
قازىرگى تاڭدا ۇلت جوسپارىنىڭ 100 قادامىنىڭ 72-ءسى ىسكە اسىرىلدى: «كاسىبي مەملەكەتتىك اپپاراتتى قالىپتاستىرۋ» باعىتى بويىنشا 15 قادامنىڭ 13-ءى, «زاڭ ۇستەمدىگىن قامتاماسىز ەتۋ» باعىتى بويىنشا بارلىق 19 قادام, «يندۋستريالاندىرۋ جانە ەكونوميكالىق ءوسىم» بويىنشا 50 قادامنىڭ 27-ءى, «بىرەگەيلىك جانە بىرلىك» باعىتى بويىنشا 6 قادامنىڭ 3-ەۋى, «ەسەپ بەرەتىن مەملەكەتتى قالىپتاستىرۋ» باعىتى بويىنشا بارلىق 10 قادام ورىندالدى.
بيىل «كاسىبي مەملەكەتتىك اپپاراتتى قالىپتاستىرۋ» جانە «يندۋستريالاندىرۋ مەن ەكونوميكالىق ءوسىم» باعىتتارى بويىنشا 9 قادامدى ورىنداۋ كوزدەلگەن.
وتىرىستا مەملەكەتتىك قىزمەتشىلەرگە ەڭبەكاقى تولەۋدىڭ جاڭا جۇيەسىنە كوشۋ, مەكتەپتە وقىتۋ ستاندارتتارىن جاڭارتۋ جانە فۋنكتسيونالدىق ساۋاتتىلىقتى دامىتۋ, ەكونوميكانىڭ ەنەرگيا تيىمدىلىگىن ارتتىرۋ, جەر قويناۋىن پايدالانۋ سالاسىنىڭ اشىقتىعى مەن بولجامدىلىعىن ارتتىرۋ, اۋىل شارۋاشىلىعىندا سۋ شىعىنىن ازايتۋ, سونداي-اق سالىقتىق مىندەتتەمەلەردى ورىنداۋدى, ونىڭ ىشىندە تسيفرلاندىرۋ ارقىلى جەڭىلدەتۋ ماسەلەلەرى قارالدى.
جاڭا ينفراقۇرىلىمدىق جوبالاردى ىسكە اسىرۋ, سەرۆيستى جەتىلدىرۋ جانە ترانزيتتىك تاسىمالدار جىلدامدىعىن ارتتىرۋ ارقىلى كولىك-ترانزيتتىك سەكتوردىڭ باسەكەگە قابىلەتتىلىگىن ارتتىرۋ جونىندەگى جۇمىستاردىڭ بارىسى تالقىلاندى.
پرەمەر-مينيستر تۇڭعىش پرەزيدەنت – ەلباسى نۇرسۇلتان نازارباەۆتىڭ بەس ينستيتۋتتىق رەفورماسىن ىسكە اسىرۋ جونىندەگى «100 ناقتى قادام» ۇلت جوسپارىن جانە مەملەكەت باسشىسى قاسىم-جومارت توقاەۆتىڭ 2020 جىلعى 1 قىركۇيەكتەگى جولداۋىن تولىق ءارى ساپالى ورىنداۋ بويىنشا بەلسەندى جۇمىستى جالعاستىرۋدى تاپسىردى.
ەكونوميكانىڭ باسىم سەكتورلارىنداعى جاڭا ءىرى جوبالارعا ستراتەگيالىق ينۆەستورلاردى تارتۋ, وڭدەۋ سەكتورى مەن ەكسپورتتىق الەۋەتتى دامىتۋ, نەگىزگى ازىق-تۇلىك تاۋارلارى بويىنشا ۇلتتىق ەكونوميكانىڭ جەتكىلىكتى بولۋىن قامتاماسىز ەتۋ جونىندەگى تارماقتارعا ەرەكشە نازار اۋدارىلدى.
