ماۋلەن اشىمباەۆ كەزدەسۋدى اشا كەلىپ, تاتۋ كورشىلىك, تاريحي ورتاق تامىرلاستىق, ءتىل مەن مادەنيەت عاسىرلار بويى قازاق جانە قىرعىز حالىقتارىن باۋىرلاستىق پەن دوستىق قاتىناستارمەن بايلانىستىرىپ كەلە جاتقانىن اتاپ ءوتتى. قازىرگى ۋاقىتتا قىرعىزستان قازاقستاننىڭ ماڭىزدى ستراتەگيالىق ارىپتەستەرىنىڭ ءبىرى بولىپ تابىلادى. سەنات توراعاسى پارلامەنتتىك ءوزارا ءىس-قيمىل قازاق-قىرعىز قاتىناستارىن نىعايتۋ فاكتورلارىنىڭ ءبىرى بولىپ تابىلاتىنىن اتاپ ءوتتى.
ماۋلەن اشىمباەۆ پەن جەەنبەك كۋلۋباەۆ پارلامەنتارالىق, الەۋمەتتىك-مادەني, ساۋدا-ەكونوميكالىق ءوزارا ءىس-قيمىل بويىنشا ەكىجاقتى ىنتىماقتاستىقتىڭ اۋقىمدى ماسەلەلەرىن تالقىلادى.
«وسى جىلدىڭ كۇزىندە قىرعىزستاندا سايلاۋ وتەتىنى جانە جوگوركۋ كەنەشتىڭ جاڭا قۇرامى قالىپتاساتىنى بەلگىلى. پارلامەنتتىك بايلانىستارداعى ىنتىماقتاستىققا ودان ءارى قارقىن بەرۋ ماڭىزدى دەپ سانايمىن. ەكى ەلدىڭ ءوزارا قارىم-قاتىناسىن دامىتۋعا پارلامەنتتەر ىقپال ەتە الاتىن بىرقاتار ماسەلە بار. وسىعان بايلانىستى, پارلامەنتارالىق قىزمەتتى ودان ءارى ارتتىرۋدىڭ ماڭىزى زور», دەپ اتاپ ءوتتى ماۋلەن اشىمباەۆ.
ماۋلەن اشىمباەۆ, سونداي-اق بەلارۋس رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى پاۆەل ۋتيۋپينمەن دە كەزدەستى. كەزدەسۋ بارىسىندا ەلدەرىمىز اراسىنداعى ەكىجاقتى ىنتىماقتاستىق جانە پارلامەنتتىك باعىتتاعى ءوزارا ءىس-قيمىل ماسەلەلەرى ءسوز بولدى.
«كەشە عانا قازاقستانعا بەلارۋس پرەمەر-ءمينيسترى كەلىپ كەتتى. بۇل ساپار ونەركاسىپ, ماشينا جاساۋ, قۇرىلىس جانە اۋىل شارۋاشىلىعى سالالارىنداعى ءوزارا ءىس-قيمىلمەن بىرگە ەكونوميكالىق ىنتىماقتاستىق پەن كووپەراتسيانى ودان ءارى نىعايتۋ تۇرعىسىندا اسا ماڭىزدى بولدى», دەدى ماۋلەن اشىمباەۆ.
سونىمەن قاتار سەنات سپيكەرى قازاقستان-بەلارۋس قارىم-قاتىناسىنىڭ ماڭىزدى باعىتتارىنىڭ ءبىرى پارلامەنتارالىق ىنتىماقتاستىق ەكەنىن اتاپ ءوتتى.
ء«بىزدىڭ دەپۋتاتتارىمىز اراسىندا ەكىجاقتى جانە كوپجاقتى فورماتتا تىعىز بايلانىس ورنادى. پارلامەنتتەرىمىزدىڭ پالاتالارى اراسىندا ىنتىماقتاستىق جونىندەگى كوميسسيا تابىستى جۇمىس ىستەپ كەلەدى. ەكى ەل دەپۋتاتتارىنىڭ تمد پاا, ۇقشۇ پا جانە ەقىۇ پا الاڭدارىنداعى بەلسەندى ءىس-ارەكەتى پارلامەنتتىك ديپلوماتيانىڭ ماڭىزدى باعىتى بولىپ سانالادى», دەدى سەنات توراعاسى.
