كوماندا قۇرامى 6 ادامنان تۇرادى. وعان دەنە جانە اتىس دايارلىعىنان جوعارى كورسەتكىشتەرىمەن ەرەكشەلەنگەن اسكەري پوليتسيا قىزمەتكەرلەرى كىردى.
ء«تارتىپ ساقشىسى» بايقاۋى ءتورت كەزەڭنەن تۇرادى. ءبىرىنشى كەزەڭدە اسكەري قىزمەتشىلەر اۆتومات پەن پيستولەتتەن اتۋ شەبەرلىكتەرىنە جارىسسا, ەكىنشىدە – جۇپتاسىپ پاترۋل جۇرگىزۋ ماشىقتارىن كورسەتەدى. ولار تۇرعىندارى بار اۋىلداردا شارتتى قارسىلاسقا اتىسپەن شابۋىل جاساپ سايىسادى. ءۇشىنشى ء«پاترۋلدى نارياد» كەزەڭىندە اتىس, مەديتسينالىق دايىندىق, رادياتسيالىق, حيميالىق, بيولوگيالىق قورعانىس جانە گراناتتى دالدەپ لاقتىرۋ نورماتيۆتەرىن ورىندايدى. وعان ەكستەرمالدى ەلەمەنتتەر ارقىلى پاترۋلدىك اۆتوكولىكتى جۇرگىزە وتىرىپ, قۇقىق بۇزۋشىنى شابۋىلىن تويتارۋ مەن ۇستاۋ كىرەدى.
– ەڭ قيىنى جانە سوڭعى شەشۋشى كەزەڭ – «جۇگىرۋ» كەزەڭى. بۇعان ۇزىندىعى 12 شاقىرىمعا سوزىلعان تاس جولداعى تابيعي جانە جاساندى كەدەرگىلەردى ەڭسەرۋ كىرەدى, – دەدى كوماندا جاتتىقتىرۋشىسى پولكوۆنيك ۆيتالي فەدوروۆ.
العاش رەت ء«تارتىپ ساقشىسى» بايقاۋى 2017 جىلى ارميا حالىقارالىق ويىندارى اياسىندا وتكىزىلىپ, ءبىزدىڭ كوماندا ەكىنشى ورىن العان بولاتىن.
