«قابىلدانعان شارالاردىڭ ناتيجەسىندە ۆاكتسينا الۋعا نيەت بىلدىرگەندەردىڭ سانى 5 ەسەگە ارتتى. ەگەر مامىر ايىنىڭ ورتاسىندا كۇنىنە 1000-1500 ادام ۆاكتسينا السا, ماۋسىم ايىنىڭ قازىرگى كۇندەرى 7 مىڭنان استام ادام ەگىلۋدە. ستاتسيونلارلاردا ءدارى-دارمەك پەن مەديتسينالىق قۇرال-جابدىقتاردىڭ جەتكىلىكتى قورى قالىپتاستىرىلعان», دەدى اكىم ۇكىمەت وتىرىسىندا.
سونداي-اق ول قالادا سىرقاتتانۋ دەڭگەيىنىڭ ءوسۋىن ۆيرۋستىڭ «دەلتا» شتامىنىڭ تىركەلۋىمەن بايلانىستىردى.
«COVID-19 ىندەتىن جۇقتىرعان ادامداردىڭ سانى مامىر ايىندا 10 مىڭنان اسقان بولسا, ماۋسىم ايىنىڭ باسىندا ءبىرشاما تۇراقتالىپ, 2 مىڭ جاعدايعا دەيىن ازايعان بولاتىن. الايدا ماۋسىم ايىنىڭ ورتاسىنان باستاپ ۆيرۋستىڭ «دەلتا» شتامىنىڭ انىقتالۋىنا بايلانىستى اۋرۋدىڭ كۇرت ءوسۋى بايقالدى», دەدى التاي كولگىنوۆ.
