قازاقستان • 28 ماۋسىم، 2021

قازاقستان مەن گەرمانيا تسيفرلىق ترانسفورماتسيا مۇمكىندىكتەرىن بىرلەسىپ كەڭەيتپەك

29 رەت كورسەتىلدى

نەمىس كومپانيالارىمەن وتكەن كەزدەسۋ بارىسىندا تسيفرلىق ترانسفورماتسيانى دامىتۋداعى ەكىجاقتى ىنتىماقتاستىق ماسەلەلەرى جانە ەكونوميكانى تسيفرلاندىرۋ، ونەركاسىپتى اۆتوماتتاندىرۋ سالاسىنداعى بىرلەسكەن جوبالار جايى تالقىلاندى، دەپ حابارلايدى Egemen.kz.

ونلاين كەزدەسۋگە قر گەرمانياداعى ەلشىسى داۋرەن كاريپوۆ، قر تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-مينيسترى اسقار جامباكين، قر يندۋستريا جانە ينفراقۇرىلىمدىق دامۋ ۆيتسە-ءمينيسترى دينارا ششەگلوۆا، «KAZAKH INVEST» ۇك» اق باسقارما توراعاسىنىڭ ورىنباسارى جاندوس تەمىرعالي، Astana Hub باس ديرەكتورى ماعجان ماديەۆ، سونداي-اق Siemens Advanta Lanxess AG، Gigaset AG، SAP SE، Baumüller Group، DMT GmbH & Co. KG، WILO SE سياقتى 40-قا جۋىق جەتەكشى نەمىس كومپانيالارىنىڭ باسشىلارى مەن وكىلدەرى قاتىستى.

كەزدەسۋ بارىسىندا گەرمان ەكونوميكاسى شىعىس كوميتەتىنىڭ باسقارۋشى ديرەكتورى ميحاەل حارمس ەكى ەل بيزنەسمەندەرىنىڭ ىسكەرلىك بايلانىستارىن ورناتۋدىڭ ماڭىزدىلىعىن اتاپ ءوتتى. ول سونداي-اق قازاقستان مەن گەرمانياداعى تسيفرلىق ترانسفورماتسيانى كەڭەيتۋگە ودان ءارى سەرپىن بەرۋگە مۇمكىندىك بەرەتىن جاڭا ءتۇيىسۋ نۇكتەلەرىن ىزدەۋ قاجەتتىگىن اتاپ ءوتتى.

سونىمەن قاتار پىكىرتالاس بارىسىندا قازاقستاندا جۇرگىزىلىپ جاتقان تسيفرلىق ترانسفورماتسيا جونىندەگى قىزمەت اتاپ ءوتىلدى. جانە قاتىسۋشىلار «Astana Hub» IT-ستارتاپتار حالىقارالىق تەحنوپاركى شەڭبەرىندە ينۆەستورلارعا ۇسىنىلاتىن مەملەكەتتىك قولداۋ قۇرالدارى تۋرالى اقپارات بەردى.

ونلاين-كەزدەسۋ بارىسىندا جەتەكشى نەمىس كومپانيالارىنىڭ باسشىلارى تسيفرلىق دامۋدىڭ ورتاق پەرسپەكتيۆالارىن، ەكىجاقتى ىنتىماقتاستىقتىڭ الەۋەتىن جانە قازاقستاننىڭ ەلەكتر ەنەرگياسىنا ارنالعان تاريفتەرگە قاتىستى ارتىقشىلىقتارىن، ينفراقۇرىلىمدى جانە ادامي رەسۋرستاردى ەسكەرە وتىرىپ، بىرلەسكەن جوبالاردى ىسكە اسىرۋعا ەرەكشە نازار اۋداردى.

كەزدەسۋ سوڭىندا «سۇراق-جاۋاپ» فورماتىندا پىكىرتالاس ءوتتى، وندا الەۋەتتى ينۆەستورلار وزدەرىن قىزىقتىرعان ماسەلەلەر بويىنشا سۇراق قويىپ، ال ساۋالدارعا كاسىبي ماماندار جاۋاپ بەردى.

 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار