پرەزيدەنت قاسىم-جومارت توقاەۆ قازاقستان مەن بەلارۋستىڭ ساۋدا-ەكونوميكالىق, عىلىمي-تەحنيكالىق, گۋمانيتارلىق سالالارداعى بايلانىستارىن, سونداي-اق, ينتەگراتسيالىق بىرلەستىكتەر اياسىنداعى ىقپالداستىعىن وڭ باعالادى. قاسىم-جومارت توقاەۆ ەكى مەملەكەت باسشىلارىنىڭ تىعىز بايلانىس جاساپ تۇراتىنىن جانە جوعارى دەڭگەيدە قول جەتكىزگەن ۋاعدالاستىقتاردىڭ ءساتتى جۇزەگە اسىرىلاتىنىن ەرەكشە اتاپ ءوتتى.
– ءسىزدىڭ بۇل ساپارىڭىزدىڭ باعدارلاماسى تىعىز ەكەن. قوستاناي وبلىسىنا باردىڭىز. بۇل ونەركاسىپ جانە اۋىل شارۋاشىلىعى الەۋەتى تۇرعىسىنان وتە ماڭىزدى. ناقتى كەلىسىمدەرگە قول جەتكىزىلىپتى. سەنبى كۇنى پرەزيدەنتتەرىڭىز الەكساندر لۋكاشەنكومەن سويلەستىم. ەكى مەملەكەت اراسىنداعى ستراتەگيالىق سەرىكتەستىكتى ودان ءارى دامىتۋ ماسەلەلەرى جونىندە پىكىر الماستىق. قازاقستان ءۇشىن بەلارۋس, شىن مانىندە, ستراتەگيالىق سەرىكتەس ءارى وداقتاس ەل. ىنتىماقتاستىعىمىزدى نىعايتىپ, دامىتا بەرۋ ءۇشىن بارلىق مۇمكىندىكتى جاسايمىز, – دەدى قازاقستان پرەزيدەنتى.
