«مۇنداي شەشىم سالا وكىلدەرىمەن وتكىزىلگەن كەڭەس ناتيجەلەرى بويىنشا قابىلداندى. 2021 جىلعى 1 قاراشادان باستاپ تاڭبالانباعان اياق كيىمدى وندىرۋگە جانە ەلىمىز اۋماعىنا اكەلۋگە تىيىم سالىنادى. ال بولشەك ساۋدا بيزنەسىندە تاڭبالانباعان تاۋارلاردىڭ قالدىقتارىن ساتۋ ءۇشىن 2022 جىلدىڭ 1 قاراشاسىنا دەيىن قوسىمشا مەرزىم بار», دەلىنگەن ءباسپاسوز قىزمەتىنىڭ مالىمەتىندە.
بۇدان بۇرىن مىندەتتى تسيفرلىق تاڭبالاۋ 2021 جىلدىڭ شىلدەسىندە ەنگىزىلەدى دەپ جوسپارلانعان بولاتىن, الايدا كوپتەگەن يمپورتتاۋشىلار كۇز-قىس ماۋسىمىنا شەتەلدىك وندىرۋشىلەردەن الدىن الا جارتى جىلعا ەرتە تاۋارلارعا تاپسىرىس بەرەدى. سوندىقتان كوكتەمدە تاپسىرىس بەرىلگەن تاڭبالانباعان اياق كيىمنىڭ قازاقستان شەكاراسىن 1 شىلدەگە دەيىن وتپەي قالۋ قاۋپى تۋىنداعان بولاتىن.
«ەندى نارىقتا جاڭا نورمالارعا مۇقيات دايىندالۋ ءۇشىن تاعى بەس اي جانە تاڭبالانباعان تاۋارلاردىڭ قالدىقتارىن ساتۋ ءۇشىن ءبىر جىلدان استام ۋاقىت بار. بيزنەس ءۇشىن تاۋلىك بويى تسيفرلىق تاڭبالاۋ بويىنشا جەدەل جەلى جۇمىس ىستەيدى. تسيفرلىق ەكونوميكانى دامىتۋ ورتالىعى ۇنەمى مامانداندىرىلعان ۆەبينارلار وتكىزەدى, سالا وكىلدەرىنە جەكە كەڭەستەر بەرەدى. اياق كيىمدى تسيفرلىق تاڭبالاۋ تۋرالى پايدالى اقپارات markirovka.kz پورتالىندا بار. سوندىقتان ءاربىر كاسىپكەردىڭ نارىقتاعى جۇمىستىڭ جاڭا ەرەجەلەرىنە مۇقيات دايىندالۋ مۇمكىندىگى مەن ۋاقىتى بار», دەيدى تسيفرلىق ەكونوميكانى دامىتۋ ورتالىعىنىڭ باس ديرەكتورى بيكەش قۇرمانعاليەۆا.
