بۇعان دەيىن حالىق بانك پەن ەۋرازيالىق بانك ءليميتتى تولىق يگەرگەنىن ايتىپ, ءوتىنىش قابىلداۋدى توقتاتسا, ەندى تسەنتركرەديت, Altyn Bank پەن سبەربانك توقتاتتى.
اتالمىش باعدارلاماعا مەملەكەتتىك بيۋدجەتتەن 600 ملرد تەڭگە باعىتتالعان. ءۇش جىلعا جوسپارلانعان باعدارلاما مەرزىمىنەن ەرتە اياقتالماق. ويتكەنى قاراستىرىلعان قارجىنىڭ بارلىعى يگەرىلدى. ليميت ءبىتتى.
سبەربانك ءوتىنىشتى قابىلداۋدى 5 ماۋسىم كۇنى, Altyn Bank 15 ماۋسىم, تسەنتركرەديت 23 ماۋسىم كۇنى توقتاتقانىن مالىمدەدى.
«باسپانا حيتپەن» ءوتىنىش قابىلداپ جاتقان ازىرشە Bank RBK عانا.
ايتا كەتەيىك, مامىر ايىندا «7-20-25» پەن «باسپانا حيت» باعدارلاماسىنىڭ جابىلاتىنى حابارلانعان ەدى. الدىن الا بولجام بويىنشا «باسپانا حيت» وسى جىلدىڭ سوڭىنا دەيىن, ال «7-20-25» باعدارلاماسى كەلەسى جىلدىڭ سوڭىنا دەيىن جالعاسۋى مۇمكىن ەكەن ايتىلعان. بىراق «باسپانا حيت» الدەقايدا ەرتە اياقتالعانعا ۇقسايدى.
Jusan Bank, Forte مەن اتف بانكتەر ءوتىنىش قابىلداۋدى توقتاتتى ما الدە جوق پا – ازىرشە بەلگىسىز.
