«جەرگىلىكتى ۋاقىتپەن 12.50-گە دەيىن (نۇر-سۇلتان ۋاقىتىمەن 14:50) سوزىلعان قاقتىعىس ناتيجەسىندە ۇكىمەتتىك كۇشتەردىڭ 17 اسكەري قىزمەتشىسى «شاحريتۋس» شەكارا وتريادىنىڭ ءبىرىنشى بەكەتى ارقىلى ءومىرى مەن جەكە قۇرامدى قۇتقارۋ ءۇشىن تاجىكستان اۋماعىنا شەگىنۋگە ءماجبۇر بولدى», دەدى اگەنتتىك دەرەككوزى.
ونىڭ ايتۋىنشا, تاجىك شەكاراشىلارى گۋمانيزم مەن تاتۋ كورشى قاعيدالارىن ەسكەرىپ, مەملەكەتتىك شەكارانى بۇزىپ وتكەن اۋعان اسكەريلەرىنە ءوز ەلىنە ەركىن كىرۋگە مۇمكىندىك بەردى.
«بۇل شەكارا ايماعىنداعى احۋال ءالى شيەلەنىسىپ تۇر, «تاليبان» قارۋلى توبى مەن اۋعانستان ۇكىمەت كۇشتەرى اراسىنداعى شايقاس جالعاسىپ جاتىر», دەدى ول.
23 ماۋسىمدا «تاليبان» قوزعالىسىنىڭ سودىرلارى (قازاقستان, رەسەي, تاجىكستان جانە باسقا دا بىرنەشە ەلدە تىيىم سالىنعان راديكال ۇيىم) اقش پەن ناتو اۋعانستاننان ءوز اسكەرىن شىعارا باستاعاننان كەيىن ەلگە شابۋىل جاساپ, ونداعان اكىمشىلىك ايماقتى باقىلاۋعا العان. تاجىكستانمەن شەكاراداعى نەگىزگى ايماقتار سودىرلار قولىنا وتكەن.
سول كۇنى اۋعان اسكەرىنىڭ ءبىر بولىگى شورتەپا ۋەزدىنە جاقىن وزبەكستان اۋماعىنا شەگىنۋگە ءماجبۇر بولعان.
