بۇل دەرەك ەل ۇكىمەتىن عيماراتتاردا ماسكا تاعۋ تۋرالى تالاپتى قايتا ەنگىزۋگە جانە باسقا شارالارعا بارۋعا ءماجبۇر ەتتى.
يزرايل شەنەۋنىكتەرىنىڭ الدىن-الا مالىمەتى بويىنشا, كوروناۆيرۋستىڭ جاڭا جاعدايلارىنىڭ 90 پايىزعا جۋىعى دەلتا شتامىنان تۋىنداعان. سونىمەن قاتار ۆاكتسينا سالدىرعان 16 جاسقا دەيىنگى بالالار ۆيرۋس جۇقتىرعانداردىڭ جارتىسىنا جۋىعىن كورسەتەدى.
وتكەن اپتادا يزرايل ۇكىمەتى 12 جاستان 15 جاسقا دەيىنگى بالالاردى ۆاكتسينالاۋ ناۋقانىن باستادى, بۇل مەكتەپ وقۋشىلارى اراسىنداعى اۋرۋدىڭ كۇرت وسۋىنە بايلانىستى.
يزرايلدە كوروناۆيرۋستىڭ «دەلتا» شتامىن جۇقتىرۋى مۇمكىن نە بايلانىستا بولعان ادامداردىڭ بارلىعىن كارانتينگە جاتقىزۋ تۋرالى شەشىم شىعارىلدى. بۇل جاعدايدا ادام بۇرىن ۆاكتسينا سالدىرعان نەمەسە ۆيرۋس جۇقتىرىپ, كەيىن ايىققان بولسا دا, يممۋنيتەتى بار بولسا دا كارانتينگە جاتقىزىلادى.
سونىمەن قاتار ءيزرايلدىڭ دەنساۋلىق ساقتاۋ مينيسترلىگى كارانتيندى بۇزعان بالالاردىڭ اتا-انالارىنا 5000 شەكەل (1540 اقش دوللارى) ايىپپۇل سالىناتىنىن مالىمدەدى.
ءيزرايلدىڭ 9,3 ميلليون حالقىنىڭ شامامەن 55 پايىزى Pfizer-Biotech ۆاكتسيناسىنىڭ ەكى دوزاسىن الدى جانە اۋرۋدىڭ كۇرت تومەندەۋى كوپتەگەن ەكونوميكالىق شەكتەۋلەردىڭ جويىلۋىنا اكەلدى.
