جارىسقا استانالىق سپورتشىلار, ەلوردانىڭ دەنە شىنىقتىرۋ جانە سپورت باسقارماسىنىڭ جانە قالالىق سپورت ۇيىمدارىنىڭ قىزمەتكەرلەرى قاتىسۋدا.ء ىس-شارانىڭ سالتاناتتى اشىلۋىنا قر مادەنيەت جانە سپورت ۆيتسە-ءمينيسترى ەرلان قوجاعاپانوۆ, قالالىق دەنە شىنىقتىرۋ جانە سپورت باسقارماسىنىڭ باسشىسى سامات ەرعاليەۆ جانە قالالىق ءماسليحات حاتشىسى ەرلان كاناليموۆ قاتىستى.
«پرەزيدەنتتىك تەستىلەر قازاقستاندا ۇزاق جىلدار بويى وتكىزىلىپ كەلەدى. ولاردىڭ باستى ماقساتى – ۇلت دەنساۋلىعى. بۇل تەستىلەرگە جەتى جاسار بالادان باستاپ, اعا بۋىنعا دەيىنگى ءتۇرلى جاستاعى ازاماتتار قاتىسا الادى. بۇل ءىس-شارا كوپتەگەن قاتىسۋشىلاردىڭ باسىن قوستى. ءارى قاجەتتى سانيتارلىق نورمالاردى ساقتاي وتىرىپ وتۋدە», دەدى ەرلان قوجاعاپانوۆ.
پرەزيدەنتتىك تەستكە قاتىسۋشىلاردىڭ اراسىندا اتاقتى سپورتشىلار دا بار. ولاردىڭ ءبىرى – دجيۋ-دجيتسۋدان ازيانىڭ ەكى دۇركىن چەمپيونى, ەۋروپا چەمپيونى جانە الەم چەمپيوناتىنىڭ ءۇش دۇركىن جۇلدەگەرى گالينا دۋۆانوۆا.
پرەزيدەنتتىك سىناققا قاتىسۋشىلار 7 جاس ساناتى بويىنشا جارىستى: 18-23 جاس, 24-31 جاس, 32-39 جاس, 40-49 جاس, 50-59 جاس, 60-69 جاس, 70 جاس جانە ودان جوعارى.
تەست سپورتتىڭ 7 تۇرىنەن وتكىزىلەدى: جۇگىرۋ, ءبىر ورىننان ۇزىندىققا سەكىرۋ, بەلتەمىرگە تارتىلۋ, كەۋدەنى جاتىپ كوتەرۋ, گراناتا لاقتىرۋ, شاعىن ۇڭعىلىق (پنەۆماتيكالىق) ۆينتوۆكادان اتۋ جانە 5 مەترلىك ءجۇزۋ.
جازعى سپورت تۇرلەرى بويىنشا پرەزيدەنتتىك سىناقتاردى تاپسىرۋ تامىز ايىندا اياقتالادى.
