سوعىس ارداگەرىمەن كەزدەسۋ

جاماندىق اتاۋلى ادامعا قاسىرەت پەن قايعى اكەلەدى. قۇداي ەلىمىزدى وسىندايدان ساق­تاسىن. ال “سوعىس” دەگەن سۋىق سوزدە نەبىر الاپات جات­قانىن ونى باسىنان وتكەرگەن بۇگىنگى اعا بۋىن ارداگەرلەر جاقسى بىلەدى. وق پەن وتتىڭ ور­تاسىنان قىرىق جىل قىر­عىن بولسا دا تاتاتىن ءدام-تۇزى بارلار عانا ءتىرى ورالىپ, بۇگىن­دە ارامىزدا ءجۇر. اي ەمەس, كۇن ساناپ قاتارى سيرەگەندەر ارا­سىندا كارىم وسپانوۆ اتامىز­دىڭ ءومىر دەرەگى كوڭىل تەرەزەمىزگە ساۋلە ءتۇسى­رىپ, پىكىرلەسسەم دەگەن نيەتىمىز­گە جەتەلەدى. توقسانعا تاياعان اتا­مىز ءومىردىڭ كەرمەك ءدامىن ەرتە تاتىپتى. نەمىستەردىڭ بەيبىت ەلگە كەنەتتەن سوعىس اشۋى تالاي وتبا­سى­نىڭ شاڭى­راعىن ورتا­سىنا ءتۇسى­رىپ, بالانى جەتىم, ايەل­دى جەسىر ەتىپ, قايعى-مۇڭ اكەل­گەنى انىق. قاندى قىرعىن جال­عاسقان 1942 جىلعى اقپان ايىندا سوعىس كەڭەسىنىڭ بۇيرى­­عىمەن ستالينگراد باعىتىنداعى ۇرىسقا اتتانادى. 19 جاستاعى ك.وسپانوۆ اتامىز بۇگىندە جاۋىنگەرلەردىڭ وتان ءۇشىن باستارىن ولىمگە تىككەن ساتتەرىن كوزىنە جاس الماي ايتا المايدى. وتان دەگەن ىستىق سەزىمنىڭ جاۋىن­­گەرلەرگە كۇش بەرگەنىن دە ۇمىتپاي­دى. ءومىردىڭ نەبىر قيىن وتكەلىن كور­گەنىن ونىڭ اڭگىمە­لەرىنەن ايقىن ۇعامىز. – ستالينگراد قالاسىنداعى جاۋمەن شايقاستىڭ شەگىنە جەتكەن تۇسى. قىناداي قىرىلعان ادام. ونى كورگەندە ۇرەيىڭ ۇشادى, دەيدى مايدانگەر اتا. كەيىننەن اسكەري مىندەتىن بەلو­رۋس­سيا مايدانى ارقىلى ليتۆا, لاتۆيا, پولشانى ازات ەتۋ باعى­تىن­دا جالعاستىرعان مايدان­گەر جەڭىس­تى ماينداعى فرانكفۋرد قالاسىندا قارسى العانىن ايتادى. 1946 جىلى ماۋسىم ايىن­دا ەلگە ورالادى. – مەن ءوز ومىرىمە ريزامىن. جەڭىستىڭ 65 جىلدىق تويىن كورۋگە جازعان اللاعا مىڭ دا ءبىر راحمەت! تالاي بوزداقتاردىڭ قانى توگىلگەن سۇم سوعىستىڭ زاردابى مۇمكىن زامان ۇزاي ۇمىتىلار, بىراق سول بوزداقتاردىڭ ەرلىگى ەشقاشاندا ۇمىتىلۋعا ءتيىستى ەمەس, – دەيدى كوڭىلى بوساعان كارىم اقساقال. مەكتەپ ديرەكتورى باقىت يساتاەۆانىڭ باستاماسىمەن جاس ۇرپاقتارىمىزعا پاتريوت­تىق ءتار­بيە بەرۋ ماقساتىندا ۇلى وتان سوعىسىنا قاتىسقان ار­داگەرلەرمەن كەزدەسۋلەر ۇنە­مى وتكىزىپ تۇرادى. سونداي كەز­دەسۋ­دىڭ ءبىرى جاقىندا كارىم وس­پانوۆپەن ءوتتى. مايدانگەر قارت وقۋشىلارعا سوعىس جىل­دارىنان ەستەلىكتەر ايتىپ بەر­دى. ەرلىك ەشقاشان ۇمتىلماۋى ءتيىس. كارىمجان قۇداكەلدى, اسكەري جەتەكشى. اقمولا وبلىسى, ەرەيمەنتاۋ اۋدانى, پاۆلوۆ اۋىلى.