«وتكەن اپتادا حقكو-دا, مەيرامحانادا, فيتنەس-ورتالىقتا جانە اۋەجايدا «قىزىل» مارتەبەسى بار تۇرعىندار انىقتالدى.
Ashyq جوباسى ارقىلى پتر-سىناماسى وڭ ناتيجە كورسەتكەنىنە قاراماستان, نىسانعا كىرۋگە تىرىسقان الماتىلىقتار انىقتالدى. مەكەمە قىزمەتكەرلەرى 14 كۇندىك ءۇي كارانتينىن بۇزعان تۇرعىندارعا نىسىنعا كىرۋگە تىيىم سالعان», دەدى سادۋاقاس بايعابىلوۆ.
ونىڭ ايتۋىنشا, ولار ءۇي كارانتينىن بۇزعانى ءۇشىن قر اقبتك-ءنىڭ 425-بابى (30 اەك 83340) بويىنشا ايىپپۇل تولەگەن.
«تۇرعىندار الماتى قالاسىنىڭ الاتاۋ, المالى, بوستاندىق, مەدەۋ جانە تۇركسىب اۋداندارىنان ەكەنى بەلگىلى بولدى.
14 كۇندىك ءۇي كارانتينىن بۇزعانداردى اكىمشىلىك جاۋاپكەرشىلىككە تارتۋ جونىندەگى جۇمىس تۇراقتى نەگىزدە جالعاسادى», دەپ تولىقتىردى بايعابىلوۆ.
الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى پتر-سىناماسى وڭ ناتيجە كورسەتكەن تۇرعىنداردى وقشاۋلاۋ رەجيمىن ساقتاۋعا شاقىردى.
