«باعدارلاماعا «كوپبالالى وتباسىلار» ساناتى بويىنشا باسپانا كەزەگىندە تۇرعان ازاماتتار عانا قاتىسا الادى. ەگەر كوپبالالى وتباسى بولا تۇرا, باسقا سانات بويىنشا كەزەكتە تۇرسا, باعدارلاماعا قاتىسا المايدى», دەلىنگەن حابارلامادا.
پاتەرلەردىڭ جالپى سانى: 285.
بارلىعى ەكى بولمەلى, اۋدانى: 53,4-57,7 شارشى مەتر.
ورنالاسقان جەرى: قورداي كوشەسى, 79 ,79ا جانە ابىلاي حان 56 جانە 56ا كوشەسى.
قۇجاتتاردى قابىلداۋ 27 ماۋسىم كۇنى ساعات 00:00-دە باستالىپ, 27 شىلدە ساعات 23:59-عا دەيىن جالعاسادى.
«قۇجاتتاردى قابىلداۋ تەك ەلەكتروندى تۇردە qatysu.zhilfond.kz پورتالى ارقىلى جۇزەگە اسىرىلادى. ءوتىنىشتى بارلىق جىلدارداعى (2006-2021) كەزەكتە تۇرعان ازاماتتار بەرە الادى, الايدا قاتىسۋعا ءوتىنىش بەرگەن كەزەكتە تۇرعاندار اراسىنان الدىمەن كەزەككە ەرتە تۇرعاندار وتەدى», دەپ اتاپ كورسەتتى ماماندار.
ءوتىنىش بەرۋ ءۇشىن:
ەتسق كىلتى;
وتباسىنىڭ بارلىق مۇشەلەرىنە قر بويىنشا جىلجىمايتىن م ۇلىكتىڭ بولماۋى نەمەسە بولۋى تۋرالى انىقتامانىڭ سكانەرلەنگەن نۇسقاسى;
بالالاردىڭ تۋ تۋرالى كۋالىكتەرىنىڭ/وتباسى مۇشەلەرىنىڭ جەكە كۋالىگى (بولعان جاعدايدا) سكانەرلەنگەن نۇسقاسى;
نەكە قيۋ /نەكەنى بۇزۋ /اكە بولۋدى انىقتاۋ تۋرالى كۋالىكتىڭ /№4 نىسان /قايتىس بولۋ تۋرالى كۋالىك (بولعان جاعدايدا) سكانەرلەنگەن نۇسقاسى;
جىلجىمايتىن م ۇلىكتىڭ قۇقىق بەلگىلەيتىن قۇجاتتارىنىڭ (بولعان جاعدايدا) سكانەرلەنگەن نۇسقاسى;
مۇگەدەكتىك تۋرالى انىقتامانىڭ (بولعان جاعدايدا) سكانەرلەنگەن نۇسقاسى;
سوزىلمالى اۋرۋدىڭ تولىق اتاۋى, جەكە بولمەگە مۇقتاجدىعى جانە بەلگىلى ءبىر قاباتى كورسەتىلگەن سوزىلمالى اۋرۋدىڭ مەديتسينالىق قورىتىندىسىنىڭ (بولعان جاعدايدا) سكانەرلەنگەن نۇسقاسى.
وتىنىشتەردى قاراۋ ناتيجەسى zhilfond.kz جانە zhil-astana.kz سايتتارىندا, سونداي-اق, تۇرعىن ءۇي ورتالىعىنىڭ الەۋمەتتىك جەلىلەرىندە جاريالانادى.
