«ەسكەرتكىش قۇقىق قورعاۋ ورگاندارىنىڭ قاتارىندا جانە ولاردىڭ تۋىستارى مەن ارىپتەستەرىنىڭ ەسىندە ماڭگى قالعان ءتارتىپ ساقشىلارىنىڭ قۇرمەتىنە جاسالدى. وكىنىشكە وراي, تاۋەلسىزدىك جىلدارىندا 37 الماتىلىق پوليتسەي قىزمەتتىك مىندەتتەرىن ورىنداۋ بارىسىندا, قىلمىسقا قارسى كۇرەستە قايتىس بولدى. ءبىزدىڭ قاسيەتتى بورىشىمىز – ولاردىڭ ەستەلىگىن قۇرمەتتەۋ, ولاردىڭ ەرلىكتەرىن مۇرا رەتىندە ۇرپاقتان ۇرپاققا جەتكىزۋ جانە وتباسىلارىن بارلىق جاعىنان قولداۋ», دەدى الماتى قالالىق پد باستىعىنىڭ ورىنباسارى ءابدۋالي ناشاربەكوۆ.
سپيكەردىڭ ايتۋىنشا, بۇدان بىلاي ەسكەرتكىشتىڭ اياسىندا جاس قىزمەتكەرلەردىڭ انت قابىلداۋ ءراسىمى وتەدى, ال مەرەكە كۇندەرى سالتاناتتى ءىس-شارالار وتكىزۋ جوسپارلانىپ وتىر.
ءىس-شاراعا الماتى پد-ءنىڭ باسشىلىعى, اۋداندىق پب-نىڭ جەكە قۇرامى, ارداگەرلەر كەڭەسىنىڭ وكىلدەرى جانە قايتىس بولعان قىزمەتكەرلەردىڭ تۋىستارى قاتىستى.
