ايماقتار • 25 ماۋسىم، 2021

سقو پوليتسەيلەرى تەرىدە قالعان ساۋساق ىزدەرىن انىقتاۋ ءادىسىن يگەردى

10 رەت كورسەتىلدى

سولتۇستىك قازاقستان وبلىسىنىڭ كريميناليستەرى قىلمىستى اشۋدا قاجەت تىڭ ءادىس – تەرىدە قالعان ساۋساق ىزدەرىن انىقتاۋدى مەڭگەردى، دەپ حابارلايدى Egemen.kz.

سقو پوليتسيا دەپارتامەنتى ءباسپاسوز قىزمەتىنىڭ مالىمەتىنشە، جەدەل-كريميناليستيكالىق باسقارمانىڭ قىزمەتكەرلەرى ەلىمىزدە العاشقىلاردىڭ ءبىرى بولىپ تەرىدەن ساۋساق ىزدەرىن انىقتاۋ جانە الۋ ادىستەمەسىن يگەردى.

«تەرىدە قالعان ساۋساق ءىزىن انىقتاۋ ءۇشىن حيميالىق رەاكتيۆتەر قولدانىلادى. حيميالىق زاتتاردىڭ اسەرى بوتەن ادامنىڭ ساۋساق ىزدەرىن انىقتاۋعا مۇمكىندىك بەرەدى. ولار ارنايى مەتالل پلاستيناعا كوشىرىلەدى. بۇل جاڭاشىلدىق ادام ءولتىرۋ، توناۋ، قاراقشىلىق، زورلاۋ سياقتى اۋىر جانە اسا اۋىر قىلمىستاردى، ياعني قىلمىسكەر مەن جابىرلەنۋشى اراسىندا فيزيكالىق بايلانىس بولاتىن قىلمىستاردى اشۋعا مۇمكىندىك بەرەدى»، دەيدى سقو پوليتسيا دەپارتامەنتى باستىعىنىڭ ورىنباسارى ەڭبەك سەمبين.

جاڭا ادىستەمەنى جۇمىسقا ەنگىزۋگە حيميا بويىنشا ءبىلىمى بار تاجىريبەلى كريميناليست، پوليتسيا مايورى الەكساندر حلەۆوۆ بەلسەندى اتسالىستى. زەرتتەۋلەرگە ۆولونتەر رەتىندە جەدەل-كريميناليستيكالىق باسقارمانىڭ قىزمەتكەرلەرى قاتىستى. سونداي-اق كريميناليستەر مايىتتەردە زەرتتەۋلەر جۇرگىزۋ ءۇشىن مايىتحانالارعا باردى.

«ەكى ايعا سوزىلعان تىنىمسىز ەڭبەك ءوز جەمىسىن بەرىپ، ءبىز وڭ ناتيجەگە قول جەتكىزدىك. ءتىرى ادامدار مەن مايىتتەردىڭ تەرىسىندە قالعان ساۋساق ىزدەرىن انىقتاي باستادىق، بۇل - شاعىن فراگمەنتتەردەن باستاپ، جەكە ادامدى انىقتاۋعا مۇمكىندىك بەرەدى. ءبىزدىڭ جۇمىسىمىزعا پوليتسيا دەپارتامەنتى باستىعىنىڭ ورىنباسارى ەڭبەك سەمبين جەتەكشىلىك ەتىپ، قر ادىلەت مينيسترلىگىنىڭ سقو بويىنشا سوت ساراپتامالارى ورتالىعىنىڭ قىزمەتكەرى يرينا پلاتكو ۇلكەن كومەك كورسەتتى. بۇل ءادىس بۇرىننان بەلگىلى، الايدا قولدانۋدا قيىندىقتار تۋىنداعان، سوندىقتان كەڭىنەن پايدالانباعان. ءادىستى جۇمىستا پايدالانا الاتىنداي ەتىپ جەتىلدىردىك.

اتالعان جاڭاشىلدىقتى وبلىستىق باسقارمانىڭ قىزمەتكەرلەرى يگەردى جانە اۋماقتىق بولىنىستەرگە ەنگىزىلەدى»، دەيدى سقو پوليتسيا دەپارتامەنتى جەدەل-كريميناليستيكالىق باسقارمانىڭ باستىعى يگور سەمەنوۆ.

سوڭعى جاڭالىقتار

قايراتكەر حايرەتدين

رۋحانيات • بۇگىن، 22:25

استانادا اۋرۋى اسقىنعان ادام كوپ

مەديتسينا • بۇگىن، 22:23

قولاعا كوڭىل تولماي تۇر

TOKYO2020 • بۇگىن، 22:13

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار