ايماقتار • 25 ماۋسىم، 2021

شىعىس قازاقستاندا پروباتسيا قىزمەتىنىڭ ەسەبىنە 92 ادام تىركەلگەن

41 رەت كورسەتىلدى

قازىرگى تاڭدا شقو بويىنشا قاجد زايسان اۋداندىق پروباتسيا قىزمەتى قوعامنان وقشاۋلاۋ مەن بايلانىستى ەمەس جازاعا كەسىلگەن نەمەسە مەرزىمىنەن بۇرىن شارتتى جازادان بوساعان سوتتالعانداردى باقىلاپ، تەكسەرىپ قانا قويماي، ولارعا ەركىن ومىرگە بەيىمدەلۋگە، جۇمىسقا ورنالاسۋىنا، ءبىلىم الۋىنا كومەك كورسەتىپ كەلەدى، دەپ حابارلايدى Egemen.kz.

جىل باسىنان بەرى پروباتسيا قىزمەتىنىڭ ەسەبىندە 92 ادام تىركەلگەن بولسا، ونىڭ 33-ءى وسى كۇنى تىركەۋدەن الىنعان.

سوتتالعاندار مەن مەرزىمىنەن بۇرىن شارتتى تۇردە تەمىر توردىڭ ار جاعىنان بوساپ شىققان ازاماتتاردى قوعامعا بەيىمدەپ، قۇقىقتىق، پسيحولوگيالىق جانە باسقا دا كومەك كورسەتۋ ءىسىن ويداعىداي اتقارعان پروباتسيا قىزمەتىنىڭ ماماندارى بيىلدىڭ وزىندە جالپى سانى 70 ادامعا كومەك كورسەتكەن. ونىڭ ىشىندە: ەسەپتە تۇرعان 2 ازاماتقا پسيحولوگيالىق كومەك كورسەتىلگەن بولسا، 18 ادامدى تۇراقتى جۇمىسقا ورنالاستىرعان، 2 ازاماتتىڭ جەكە باس كۋالىكتەرى جاسالىپ، راسىمدەلدى.

«سوتتالۋشىنىڭ كىناسى قانشا جەردەن اۋىر بولسا دا، ول مەملەكەتىمىزدىڭ ازاماتى دەگەن اتتان ايىرىلمايدى. پروباتسيالىق باقىلاۋ - ءىستى بولعانداردى جازالاۋ ماقساتىندا ەمەس، كەرىسىنشە ولاردى تاربيەلەۋ ءۇشىن قولدانىلاتىن قىزمەت»، دەيدى اۋداندىق پروباتسيا قىزمەتىنىڭ ينسپەكتورى ەركەبۇلان احمەتزاكيەۆ.

ايتا كەتەيىك، ەلباسى ن.ءا. نازارباەۆتىڭ «بەس ينستيتۋتسيونالدىق رەفورماسىن جۇزەگە اسىرۋدىڭ 100 ناقتى قادامى» اتتى ۇلت جوسپارىنداعى باستى تاپسىرمالارىنىڭ ءبىرى - باس بوستاندىعىنان ايىرۋ ورنىنان بوساتىلعان جانە شارتتى سوتتالعان ادامدار مەن باس بوستاندىعىن شەكتەۋ جازاسىنا سوتتالعان ازاماتتاردىڭ قوعامدا ءوز ورنىن تابۋعا كومەك كورسەتىپ ىقپالداسۋ. سونىمەن قاتار، قر-نىڭ 2010-2020 جىلدارعا ارنالعان قۇقىقتىق ساياسات تۇجىرىمداماسىندا باس بوستاندىعىنان ايىرۋمەن بايلانىستى ەمەس قىلمىستىق جازالاردى ورىنداۋعا جاۋاپ بەرەتىن پروباتسيا قىزمەتىن قۇرۋ تۋرالى مىندەت قويىلعان بولاتىن.

سوڭعى جاڭالىقتار

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار