پارلامەنت • 24 ماۋسىم، 2021

سەنات كاسىپكەرلەردى قورعايتىن زاڭ قابىلدادى

30 رەت كورسەتىلدى

پارلامەنت سەناتىنىڭ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە رەيدەرلىككە قارسى كۇرەستى كۇشەيتۋ، كاسىپكەرلىك قىزمەتتى مەملەكەتتىك ورگاندار مەن لاۋازىمدى ادامداردىڭ زاڭسىز ارالاسۋىنان قورعاۋ جانە باعالى مەتالداردىڭ زاڭسىز اينالىمىنا كەدەرگى كەلتىرەتىن شارالاردى كۇشەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭى ەكى وقىلىمدا قارالىپ، قابىلداندى، دەپ حابارلايدى Egemen.kz.

زاڭ جوباسىنا قازاقستان رەسپۋبليكاسى پارلامەنتىنىڭ دەپۋتاتتارى باستاماشىلىق جاسادى. قۇجاتتىڭ نەگىزگى مىندەتى - قىلمىستىق، قىلمىستىق-پروتسەستىك كودەكستەرگە، «پروكۋراتۋرا تۋرالى» جانە «باعالى مەتالدار مەن اسىل تاستار تۋرالى» زاڭدارعا وزگەرىستەر مەن تولىقتىرۋلار ەنگىزۋ.

تۇتاستاي العاندا، زاڭ جوباسىنىڭ نورمالارى ازاماتتاردىڭ قۇقىقتارىن قورعاۋدى ارتتىرۋعا، پروكۋراتۋرا قاداعالاۋىن كاسىپكەرلەر پروبلەمالارىن ءتيىمدى شەشۋگە قايتا باعىتتاۋعا، كاسىپكەرلىك قىزمەتكە زاڭسىز ارالاسۋدان كەپىلدىكتەردى كۇشەيتۋگە، سونداي-اق باعالى مەتالداردىڭ زاڭسىز اينالىمىنا قارسى كۇرەسكە مۇمكىندىك بەرەدى.

«بۇل زاڭ مەملەكەت باسشىسىنىڭ جولداۋىندا ايتىلعان تاپسىرمالاردى ورىنداۋ ماقساتىمەن قابىلدانىپ وتىر. سوعان سايكەس، كاسىپكەرلەرمىزدى رەيدەرلىكتەن جانە قۇقىق قورعاۋ مەن باقىلاۋشى ورگانداردىڭ زاڭسىز ءىس-ارەكەتتەرىنەن قورعاۋ ءۇشىن قوسىمشا جۇيەلى شارالار قابىلداندى.

قابىلدانعان تۇزەتۋلەر الداعى ۋاقىتتا كاسىپكەرلىكتى ىنتالاندىرۋعا جانە ونى قورعاۋ مەن قولداۋدى قامتاماسىز ەتۋگە ارنالعان قوسىمشا قۇقىقتىق نەگىزدەر قالىپتاستىرادى»، دەدى سەنات توراعاسى ماۋلەن اشىمباەۆ.

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار