ونەر • 24 ماۋسىم، 2021

قاھارماندى دارىپتەگەن قويىلىم

202 رەت كورسەتىلدى

نۇر-سۇلتان قالاسىندا ءوتىپ جاتقان «ەلوردا – ونەر ولكەسى» اتتى تەاترلاردىڭ شىعارماشىلىق كەزدەسۋى اياسىندا قازاقستان رەسپۋبليكاسىنىڭ ۇلتتىق ۇلان ءان-بي ءانسامبلى دراماتۋرگ قانات ءجۇنىسوۆتىڭ «جەڭىس جالاۋى» اسكەري-مۋزىكالىق سپەكتاكلىن ساحنالادى.

قويىلىمنىڭ پرەمەراسىنا مادەنيەت جانە سپورت ءمينيسترى اقتوتى رايىمقۇلوۆا مەن ۇلتتىق ۇلاننىڭ باس قول­باسشىسى رۋسلان جاقسىلىقوۆ قاتىستى.

−تاۋەلسىزدىگىمىزدىڭ وتىز جىل­دىعى مەن قالا كۇنىنە وراي ۇيىمداستىرىلعان «ەلوردا – ونەر ولكەسى» اتتى قازاقستان، وزبەكستان، قىرعىزستان تەاتر­لارىنىڭ شىعارماشىلىق كەزدەسۋىنىڭ ەكىنشى كۇنىندە سىزدەرمەن بىرگە ۇلتتىق ۇلان ءان-بي ءانسامبلىنىڭ جانىنان قۇرىلعان جاڭا تەاتردىڭ «جەڭىس جالاۋى» سپەكتاكلىن تاماشالاپ وتىرمىز. ەكىن­شى دۇنيەجۇزىلىك سوعىس كە­زىندە وتان ءۇشىن وت كەشكەن اتا­لارىمىزدىڭ ەرلىگىنەن سىر شەرتەتىن بۇل اسكەري-مۋزى­كا­لىق قويىلىمنىڭ ماڭىزى زور. ءبىز سول ۇلى جەڭىسكە جەتكەن بابالار رۋحىنا تاعزىم ەتەمىز. سول ەرلىك ءداستۇرىن جالعاپ، بەيبىت كۇننىڭ ساق­شى­لارى بولعان ۇلتتىق ۇلان بۇ­گىندە كۇندىز-ءتۇنى تىنىشتىعىمىزدى قورعاپ كەلەدى، − دەدى مينيستر.

تالانتتى جاس رەجيسسەر داۋرەن سەرعازين قويعان سپەكتاكلدە ەكىنشى دۇنيەجۇزىلىك سو­عىستا بەرليندەگى رەيحستاگقا العاشقى جەڭىس تۋىن قاداعان حالىق قاھارمانى راقىمجان قوشقارباەۆتىڭ ەرلىگى باياندالدى.

ۇلتتىق ۇلان باس قول­باسشىسى گەنەرال-لەيتەنانت رۋسلان جاقسىلىقوۆ ءوز سو­زىندە وسى قويىلىم ارقى­لى جاستارعا راقىمجان اعا­مىز سەكىلدى ەرجۇرەك قازاق جاۋىنگەرلەرىنىڭ ۇلى جەڭىستى جاقىنداتۋعا قوسقان ۇلەسى مەن ولاردىڭ مايدان دالاسىنداعى ەرلىگىن دارىپتەۋ ەكەندىگىن جەت­كىزدى. سونىمەن قاتار ول انسامبل قۇرا­مىن­داعى تەاتر توبى ىشكى ىس­تەر ءمينيسترىنىڭ قولداۋىمەن اشىل­عانىن، ونى قۇرۋ بارىسىندا رە­سەي­لىك اسكەر تەاترىنىڭ تا­جى­ريبەسى زەرتتەلگەنىن ايتا كە­لىپ، «اسكەري تەاتردى اشۋ­داعى ماقسات – پوگون تاققان ارتىستەردىڭ ونەرىمەن وسكەلەڭ ۇرپاقتى وتانسۇيگىشتىككە باۋلىپ، اسكەري قىزمەتتى ناسيحاتتاۋ»، دەدى.

سوڭعى جاڭالىقتار

جاڭا باعىت

ساياسات • كەشە

ءورت: قاۋىپ پەن ساقتىق

توتەنشە جاعداي • كەشە

تۇلعا تۋرالى تۋىندى

ادەبيەت • كەشە

جولبارىس جىمى

ادەبيەت • كەشە

ەل سەنىمىن جالعاعان جوبا

ەكولوگيا • كەشە

جەلاياقتار استانادا جينالادى

جەڭىل اتلەتيكا • كەشە

جانىبەكتى جەكپە-جەككە شاقىردى

كاسىپقوي بوكس • كەشە

ۇقساس جاڭالىقتار