ناتيجەلەر كورسەتكەندەي, رەسپوندەنتتەردىڭ 49 پايىزى بيلىكتىڭ بەلگىلى ءبىر سالالارداعى جۇمىسشىلاردى ۆاكتسينالاۋعا مىندەتتەۋ تۋرالى شەشىمىن ماقۇلداعان. 16 پايىزى بۇل ماسەلەگە بەيجاي قاراسا, 30 پايىزى قارسىلىق بىلدىرگەن.
100 مىڭعا جۋىق حالقى بار قالالاردا ساۋالداماعا قاتىسقانداردىڭ 54 پايىزى يدەيانى قولدادى, ال ماسكەۋ مەن سانكت-پەتەربۋرگتە باسقا قالالارعا قاراعاندا تەرىس باعالانعان (30 پايىز). قىزمەت كورسەتۋ جۇمىسشىلارىن مىندەتتى ۆاكتسينالاۋ ماسكەۋ مەن ايماقتارداعى ەپيدەميالىق جاعدايدى جاقسارتۋعا كومەكتەسەدى دەگەن پىكىرمەن رەسەيلىكتەردىڭ 52 پايىزى كەلىسكەن, ال رەسپوندەنتتەردىڭ 34 پايىزى قاراما-قارسى پىكىردە, ال تاعى 14 پايىزى ناقتى جاۋاپ بەرە المادى. قاتىسۋشىلاردىڭ 22 پايىزى, كوبىنەسە 18 جاستان 34 جاسقا دەيىنگى جاستار بيلىكتىڭ مۇنداي شەشىمىنەن حاباردار بولماي شىقتى. زەرتتەۋدىڭ ستاتيستيكالىق قاتەلىگى 2,5 پايىزدان اسپايدى دەپ اتاپ ءوتتى ۆتسيوم.
كوروناۆيرۋسقا قارسى ۆاكتسينالاۋ رەسەيدىڭ بارلىق ايماقتارىندا ءجۇرىپ جاتىر. كۇردەلى ەپيدەميالىق جاعدايعا بايلانىستى جەكەلەگەن سالالاردىڭ قىزمەتكەرلەرى ءۇشىن مىندەتتى ەكپە ەنگىزىلگەن. بيلىك جازدىڭ سوڭىنا قاراي حالىقتىڭ 60-70 پايىزىن ۆاكتسينالاۋدى جوسپارلاپ وتىر.
