قازاقستان • 23 ماۋسىم، 2021

كەدەن قويمالارى دايىن با؟

44 رەت كورسەتىلدى

ساناۋلى كۇندەردەن كەيىن اياقكيىم ونىمدەرىن تسيفرلىق تاڭبالاۋ مىندەتتى شاراعا اينال­ماق. قازىر وسىعان دا­يىندىق جۇمىستارى ءجۇرىپ جاتىر. بۇل رەتتە كەدەن قوي­ما­لارى قازاقستانعا سىرت­تان يمپورتتالاتىن اياقكيىم ونىمدەرىنە Data Matrix كودىن ەنگىزۋ بارىسىن سىناقتان وتكىزۋدە.

مىندەتتى تسيفرلى تاڭبالاۋ ەنگى­زىلگەننەن كەيىن اياقكيىم يمپورتتاۋ­شىلارى ونىمگە Data Matrix كودىن ەنگىزۋى ءتيىس. ونى بىردەن ءوندىرىس با­­رىسىندا نەمەسە قازاقستاننىڭ كە­­دەن قويماسىندا ەنگىزۋگە بولادى. «ALG Company» جشس باس دي­رەك­­­تو­رىنىڭ ورىنباسارى دانيار يب­راەۆ­­­تىڭ ­ايتۋىنشا، كومپانيانىڭ كەدەن قويماسى اياقكيىم سالاسىنداعى جاڭا ەرەجەلەرگە ساقاداي ساي.

– تاڭبالاۋ قولدانىستاعى پروتسەستەرگە اسەر ەتپەيدى. تەك قويما اياسىن­دا جۇزەگە اسىرىلۋى قاجەت قو­سىمشا وپەراتسيالار پايدا بولادى. بۇ­گىندە ىنتىماقتاسا جۇمىس ىستەيتىن يم­پورتتاۋشىلاردىڭ ونىمدەرىن وڭ­دەۋگە ارنالعان ايماقتار دايىن­داپ جاتىرمىز. پروتسەسس ناقتى يمپورت­تاۋشىلاردىڭ جەتكىزۋ كولەمىنە باي­لانىستى جۇرگىزىلەدى. ويتكەنى ونىم­دەردىڭ كولەمى ءارتۇرلى. الايدا بۇل جۇ­مىستى قيىنداتادى دەپ ويلامايمىن. تسيفرلى تاڭبالاۋ نارىقتى «كو­لەڭكەدەن» شىعارۋ ءۇشىن قاجەت ەكە­­نىن ءتۇسىنىپ وتىرمىز. ءبارىمىز اشىق­­­ت­ىققا ۇمتىلۋعا ءتيىسپىز، – دەيدى د.يبراەۆ.

كەدەن قويماسىنىڭ قىزمەتى ءۇشىن يمپورتتاۋشى جالپى كولەمىنە باي-­
لانىستى ءبىر جۇپقا 30 تەڭگەدەن 300 تەڭگەگە دەيىن قارجى تولەمەك. سونىمەن قاتار بۇل سوماعا جونەلتۋ، ساقتاۋ، بۋىپ-ءتۇيۋ، ستيكەتتەۋ، سكانەر­لەۋ جانە ەسەپكە الۋ سەكىلدى قوسىمشا شى­عىندار كىرەدى. ورتاشا ەسەپپەن ال­عاندا يمپورتتاۋشىلار ءۇشىن تاڭ­بالاۋ شىعىندارى ءبىر جۇپ اياق­­­-
كيىم قۇنىنىڭ 0،1-2،5 پايىزىن قۇ­راي­دى.

كەدەن قويماسىنداعى تاڭبالاۋ پروتسەستەرىن يمپورتتاۋشىلاردىڭ وز­دەرى دە سىناقتان وتكىزدى. ولاردىڭ اراسىندا 2006 جىلدان بەرى ءارتۇرلى تاۋار توپتارىن جەتكىزۋمەن اينالىساتىن «التىن Promotion» كومپا­نياسى دا بار.

– زاڭسىز ساتۋشىلار جۇمىسى­مىز­عا كەدەرگى كەلتىرۋدە. ءبىزدىڭ زەرتتەۋى­مىز بويىنشا، ولار قازىر نارىق كولەمىنىڭ 80 پايىزعا جۋىعىن «جاۋلاپ» الىپ وتىر. ولار سەرتيفيكاتتاۋمەن اينا-­
لىسپايدى، كەدەندىك راسىمدەردەن وتپەيدى. قىسقاسى، ادال جۇمىس ىستەۋگە ق ۇلىقسىز. ال ءبىز سالىق تولەيمىز. ولار سالىقتان جالتارىپ وتىر. بۇ­لاي بولماۋى كەرەك. ەرەجە بارىنە ورتاق، – دەيدى «التىن Promotion» كوم­پا­نياسىنىڭ ديرەكتورى التىن قاندىباەۆا.

يمپورتتاۋشىنىڭ پىكىرىنشە، Data Matrix كودىن ەنگىزۋدىڭ اياقكيىمنىڭ تۇپكىلىكتى باعاسىنا اسەرى شامالى. ويتكەنى باعاعا ءبىرىنشى كەزەكتە جۇك تاسىمالداۋشىلاردىڭ قىزمەتى ىقپال ەتەدى. بيىل ولاردىڭ قىزمەتى قىمباتتادى.

– ءبىز سالا وكىلدەرىنىڭ تاڭبالاۋدىڭ نەگىزدەرى مەن ماقساتتارى تۋرالى جال­پى تۇسىنىگى قالىپتاسقانىن باي­قاپ وتىرمىز. ارينە، سۇراقتار جوق ەمەس، بار. ءبىز ءوز تاراپىمىزدان تسيفر­لى تاڭبالاۋدى ەنگىزۋ ۇدەرىسىن سۇيە­مەلدەۋدى جالعاستىرۋعا جانە بيزنەس­تىڭ بارلىق ساۋالىنا جاۋاپ بەرۋگە دايىنبىز. يمپورتتاۋشىلارمەن، اياق­-
كيىم وندىرۋشىلەرمەن، ساتۋشىلارمەن ارنايى ۆەبينارلار وتكىزىلەدى. سونداي-اق كەدەندىك قويمالار مەن كاسىپ­ورىندار دا تاڭبالاۋ پروتسەسىن پى­سىقتاپ جاتىر، – دەيدى تسيفرلىق ەكو­نوميكانى دامىتۋ ورتالىعىنىڭ باس­قارۋشى ديرەكتورى ولجاس بەك­تۇروۆ.

ەسكە سالا كەتەيىك، تاۋارلاردى تسيفر­لى تاڭبالاۋ ەۋرازيالىق ەكو­نو­مي­كالىق وداق اۋماعىندا جۇزەگە اسى­رىلاتىن جوبا بولىپ سانالادى. قازاقستاندا تەمەكى ونىمدەرىن مىن­دەتتى تاڭبالاۋ 2020 جىلدىڭ 1 قازا­نىنان باستاپ ەنگىزىلدى. قازىرگى ۋاقىتتا ءدارى-دارمەكتەردى، الكوگولدى، ءسۇت ونىمدەرىن جانە جەڭىل ونەركاسىپ تاۋار­لارىن تسيفرلى تاڭبالاۋ بو­يىنشا قاناتقاقتى جوبالار جۇزەگە اسىرىلۋدا.

 

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ءاميان اقشاسىز قالدى

قارجى • بۇگىن، 08:47

ۇقساس جاڭالىقتار