قازاقستان • 23 ماۋسىم، 2021

اقش-تا «امانات» قازاق كۇيى انتولوگياسىنىڭ تۇساۋكەسەرi ءوتتى

88 رەت كورسەتىلدى

قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋ اياسىندا اقش-تا «امانات» قازاق كۇيى انتولوگياسىنىڭ تانىستىرىلىمى ءوتتى. بۇل تۋرالى قر سىرتقى ىستەر مينيسترلىگىنەن ءمالىم ەتتى، دەپ حابارلايدى Egemen.kz.

ونلاين فورماتتاعى ءىس-شارانى قازاقستاننىڭ ۆاشينگتونداعى ەلشىلىگى مەن «كاسپي ساياساتى ورتالىعى» (Caspian Policy Center) بىرلەسىپ ۇيىمداستىردى.

تانىستىرىلىمعا «ساۋاپ» قورى قامقورشىلار كەڭەسىنىڭ توراعاسى، پارلامەنت ءماجىلىسىنىڭ دەپۋتاتى باقىتبەك سماعۇل، «امانات» جوباسىنىڭ بiرلەسكەن اۆتورى ءمۇسلىم حاسەنوۆ، سونداي-اق امەريكالىق سىرتقى ساياسات جونىندەگى ۇلتتىق كوميتەتتىڭ (National Committee on American Foreign Policy) پرەزيدەنتى جانە باس اتقارۋشى ديرەكتورى سيۋزان م. ەلليوتت مودەراتور رەتىندە قاتىستى.

ەلشى ەرجان اشىقباەۆ قازاق مادەنيەتى مەن ۇلتتىق مۋزىكانىڭ ەرەكشەلىكتەرى تۋرالى، ونىڭ iشiندە دومبىرا مەن قوبىزدا كۇي ورىنداۋ ەرەكشەلىگى، سونداي-اق «امانات» جوباسىنا ەنگەن تۇپنۇسقالىق 500 مۇراعاتتىق كۇيلەر توپتاماسىن قامتيتىن USB قۇرىلعىسى مەن ءار شىعارمانىڭ سيپاتتاماسى بار قازاق، ورىس جانە اعىلشىن تىلدەرىندەگى كىتاپ تۋرالى ايتىپ ءوتتى.

ب. سماعۇل العى سوزiندە «امانات» جوباسى اياسىندا قازاقستان مەن كورشى ەلدەردىڭ ءتۇرلى ارحيۆتەرى مەن قورلارىنان الىنعان بىرەگەي مۋزىكالىق شىعارمالار جيناقتالىپ، تسيفرلاندىرىلعانىن باياندادى.

م. حاسەنوۆ بۇل جوبانىڭ تانىستىرىلىمى العاشقى رەت شەتەلدە ءوتىپ جاتقانىن جانە ونىڭ دانالارى ۆاشينگتون، نيۋ-يورك، بوستون جانە سان-فرانتسيسكونىڭ ءىرى كىتاپحانالارىنا، سونىڭ ىشىندە اقش كونگرەسس كىتاپحاناسىنا تاپسىرىلعانىن اتاپ ءوتتى.

ونلاين-كورەرمەندەرگە دومبىرا، قوبىز جانە سىبىزعىدا ورىندالعان شىعارمالارد ىڭ بەينەجازبالارى ۇسىنىلدى.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ءاميان اقشاسىز قالدى

قارجى • بۇگىن، 08:47

ساقتىق تالاپقا ساي ەمەس

كوروناۆيرۋس • بۇگىن، 08:37

Ashyq جوباسىن پايدالانۋشىلار سانى ارتتى

كوروناۆيرۋس • بۇگىن، 08:35

ۇقساس جاڭالىقتار