الەم • 23 ماۋسىم، 2021

ءۇندىستاندا «دەلتا-پليۋس» شتامىنىڭ قاۋپى اتالدى

35 رەت كورسەتىلدى

ءۇندىستان عالىمدارى كوروناۆيرۋستىڭ جاڭا شتامىنىڭ ەرەكشەلىكتەرى تۋرالى ايتتى، دەپ حابارلايدى Egemen.kz.

ءۇندىستان مەديتسينالىق عىلىمدار ينستيتۋتىنىڭ ديرەكتورى رانديپ گۋلەريانىڭ ايتۋىنشا، COVID-19-دىڭ جاڭا شتامى وتە جۇقپالى. ونى جۇقتىرۋ ءۇشىن ناۋقاس ادامنىڭ جانىنان بەتپەردەسىز ءوتۋ جەتكىلىكتى. قاۋىپسىزدىك شارالارىن ساقتاۋ ينفەكتسيانىڭ تاراۋىن بولدىرماۋعا كومەكتەسەدى. بىراق بيلىك جاڭا نۇسقانىڭ مونوكلونالدى انتيدەنەلەرگە توزىمدىلىگى مەن يممۋنيتەتتى «اينالىپ ءوتۋ» قابىلەتىنە الاڭداپ وتىر.

ء«ۇندى كونسورتسيۋمىنىڭ ماماندارى SARS-CoV-2-ءنى گەنوميكاسى بويىنشا زەرتتەيدى جانە وعان قارسى ۆاكتسينالار قانشالىقتى ءتيىمدى ەكەنىن بىلەمىز»، دەدى گۋلەريا.

ايتا كەتەيىك، كوروناۆيرۋستىڭ ءۇندى شتامى (B. 1.617) ناۋرىزدا انىقتالعان. كەيىن ونىڭ ءۇش كىشى ءتۇر ءبولىندى: B. 1.617.1، B. 1.617.2 جانە B. 1.617.3. ولار سپايك اقۋىزىنداعى بىرنەشە مۋتاتسيامەن ەرەكشەلەنەدى، سونىڭ ارقاسىندا پاتوگەن اعزاعا ەنەدى.

«دەلتا» شتامىنىڭ مۋتاتسياسى ءالى جالعاسىپ جاتىر. وتكەن اپتانىڭ سوڭىندا ماحاراشترا شتاتى «دەلتا-پليۋس» شتامى پايدا بولعانىن حابارلادى (B. 1.617.2.1). ول S اقۋىزىندا k417n مۋتاتسياسىنىڭ بولۋىمەن ەرەكشەلەنەدى. ول اۋرعاندار مەن ۆاكتسينا العان ادامداردىڭ سارىسۋى مەن انتيدەنەلەرىنىڭ بەلسەندىلىگىن تومەندەتۋى مۇمكىن. جالپى ءۇندىستاندا «دەلتا-پليۋس» ينفەكتسياسىنىڭ 22 جاعدايى تىركەلگەن.

ايتا كەتەيىك، دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنە سايكەس، 20 ماۋسىمداعى جاعداي بويىنشا SARS-CoV-2 «دەلتا» شتامى الەمنىڭ 74 ەلىندە انىقتالعان. بۇعان دەيىن دەنساۋلىق ساقتاۋ مينيسترى الەكسەي تسوي نۇر-سۇلتاندا ءۇندى شتامى تابىلدى دەگەن قاۋىپ بارىن ايتقانى حابارلانعان بولاتىن.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ءاميان اقشاسىز قالدى

قارجى • بۇگىن، 08:47

ساقتىق تالاپقا ساي ەمەس

كوروناۆيرۋس • بۇگىن، 08:37

Ashyq جوباسىن پايدالانۋشىلار سانى ارتتى

كوروناۆيرۋس • بۇگىن، 08:35

اسكەري دارىگەرلەر كومەككە كەلدى

كوروناۆيرۋس • بۇگىن، 08:28

دايارلىقتارىن جەتىلدىردى

قوعام • بۇگىن، 08:21

«وردالى وتىز ءىس»

تاۋەلسىزدىكتىڭ 30 جىلدىعى • بۇگىن، 08:17

تاليبتەردىڭ شابۋىلى

الەم • بۇگىن، 08:09

ۇقساس جاڭالىقتار