ايماقتار • 23 ماۋسىم، 2021

«قورداي» شەكارا بەكەتى ۋاقىتشا جابىلدى

14 رەت كورسەتىلدى

قازاق-قىرعىز شەكاراسىندا كورناۆيرۋس جۇقتىرعان ناۋقاس انىقتالدى، وسىعان بايلانىستى «قورداي» شەكارا پۋنكتى ۋاقىتشا جابىلدى، دەپ حابارلايدى Egemen.kz.

22 ماۋسىمدا جامبىل وبلىسىنداعى قازاق-قىرعىز شەكاراسىندا ورنالاسقان «قورداي» ورتالىق بەكەتىندە كورشى ەلدەن كەلگەن COVID-19 جۇقتىرعان ناۋقاس انىقتالعانى حابارلاندى.

سانيتاريالىق-ەپيدەميولوگيالىق قىزمەت ماماندارى بۇل دەرەكتى قورداي اۋداندىق سانيتاريالىق-ەپيدەميولوگيالىق باقىلاۋ باسقارماسىنىڭ باسشىسىنا جانە جامبىل وبلىسى سانيتاريالىق-ەپيدەميولوگيالىق باقىلاۋ دەپارتامەنتىنە حابارلادى.

«وسىدان كەيىن شۇعىل تۇردە ناۋقاستى، ونىمەن جاقىن بايلانىستا بولعان ادامداردى وقشاۋلاۋ شارالارى قولعا الىندى. ازاماتتار شەكاراداعى وتكىزۋ پۋنكتىنىڭ اۋماعىندا ورنالاسقان يزولياتورعا جاتقىزىلدى. كەيىن سانەپيد قىزمەتى ماماندارى جەدەل جاردەم بريگاداسىن شاقىردى.

كوروناۆيرۋس ينفەكتسياسىن جۇقتىرعان ناۋقاستىڭ انىقتالۋىنا بايلانىستى وتكىزۋ پۋنكتى باسشىسىنىڭ بۇيرىعىمەن «قورداي» بەكەتى ۋاقىتشا جابىلعان بولاتىن»، دەلىنگەن حابارلامادا.

دەزينفەكتورلار بەكەت عيماراتىن وڭدەۋ شارالارىن جۇرگىزىپ، عيمارات اۋماعى جەلدەتىلگەننەن كەيىن پوست ءوز جۇمىسىن قايتا جالعاستىردى.

ايتا كەتەيىك، جىل باسىنان بەرى جامبىل وبلىسىنىڭ مەملەكەتتىك شەكاراسى ارقىلى 185 050 ادام وتسە، ونىڭ 23-ءى COVID-19-دى جۇقتىرعان.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ۇقساس جاڭالىقتار